Durant spilar ekki með Golden State í nótt

Það er nú orðið ljóst að Kevin Durant mun ekki spila fyrsta leik Golden State og Portland í úrslitum Vesturdeildar NBA-deildarinnar og hann gæti misst af fleiri leikjum.

Durant meiddist í rimmu Golden State og Houston en án hans náði Golden State samt að vinna Houston í sjötta leik liðanna og komast í úrslitin í sinni deild.

Þessi stórkostlegi leikmaður meiddist á kálfa og það mun taka sinn tíma að ná heilsu. Warriors er því ekki endilega að reikna með honum í leik tvö.

Fyrsti leikur liðanna fer fram í nótt.