Mark Zuckerberg staddur á Íslandi

Mark Zuckerberg, stofnandi samfélagsmiðlarisans Facebook, er staddur hér á landi. Þetta staðfesti heimspekingurinn Karl Ólafur Hallbjörnsson í samtali við fréttastofu nú rétt í þessu.

Í samtali við Vísi sagðist Karl Ólafur hafa verið staddur í Austurstræti þegar hann „gekk í flasið“ á Zuckerberg og eiginkonu hans, Priscillu Chan.

Samkvæmt frétt mbl af málinu sást einnig til hjónanna á Þingvöllum fyrr í dag.

Hjónin eiga brúðkaupsafmæli nú um helgina og því mætti telja sennilegt að ferðin sé í tilefni þess.