Segir að Kevin Durant sé sá besti heimi í dag

Sportspjallarinn skemmtilegi Colin Cowherd er á því að Kevin Durant sé besti körfuboltamaður heims í dag og hann rökstuddi þá skoðun sína í þætti sínum í gær.

Colin Cowherd stýrir daglegum íþróttaþætti á Fox Sport, The Herd with Colin Cowherd, þar sem hann tekur fyrir mál sem eru hæst uppi í bandarísku íþróttalífi hverju sinni.

Úrslitakeppni NBA-deildarinnar í körfubolta er nú í fullum gangi og Cowherd var að ræða einvígi Golden State Warriors og Houston Rockets.

Kevin Durant hefur verið frábær í úrslitakeppninni og þá sérstaklega í síðustu sex leikjum þar sem hann hefur skorað 38,3 stig að meðaltali í leik.

Meistararnir í Golden State eru komnir í 2-0 í undanúrslitaeinvíginu á móti Houston eftir tvo heimasigra en þriðji leikurinn er í Houston á laugardaginn.

Hér fyrir neðan má sjá Colin Cowherd rökstyðja þá skoðun sína að Kevin Durant sé besti körfuboltamaður heims í dag.