Bílaeltingaleikur endaði í Breiðholti

Á laugardegi var erill hjá lögreglunni á höfuðborgarsvæðinu eins og oft vill verða, mikið var um akstur undir áhrifum og í einu tilviki hafði ökumaður lítinn áhuga á að stöðva bifreið sína.

Lögregla átti í dag í eltingarleik við ökumann bíls sem virti ekki stöðvarunarmerki Lögreglu á Dalvegi í Kópavogi. Ökumaðurinn ók þess í stað áfram og hóf Lögregla því eftirför. Þegar ökumaður var stöðvaður hafði hann komið sér í Breiðholtið, á leið sinni þangað hafði ökumanni tekist að aka á bíla, keyrði of hratt og gerst sekur um fleiri umferðarlagabrot.

Ökumaðurinn og farþegi hans voru handteknir og vistaðir í fangageymslu Lögreglu. Grunur leikur á fíkniefnaakstri, brota á lögum um vörslu fíkniefna og á vopnalögum svo eitthvað sé nefnt. Málið kom upp rétt fyrir hádegi í dag.

Þá voru sex önnur tilvik í dag þar sem grunur er um áfengis eða eiturlyfja akstur. Einnig var maður í annarlegu ástandi handtekinn í verslun í Kópavogi, rúður voru brotnar í bílum í miðbænum og stolið úr að minnsta kosti einum bílana.