Rúta hafnaði utan vegar undir Ingólfsfjalli

Rúta hafnaði utan vegar undir Ingólfsfjalli rétt fyrir klukkan átta í morgun. Samkvæmt upplýsingum frá lögreglunni á Suðurlandi var bílstjórinn einn í bílnum en slasaðist ekki.

Þá var lögreglu einnig tilkynnt um bíl sem ekið hafði verið utan í vegrið við Hellisheiðarvirkjun en að öðru leyti hafði lögregla ekki verið kölluð út vegna veðurtengdra verkefna í morgun.

Gular viðvaranir eru í gildi víða á landinu, og appelsínugul á Norðurlandi eystra og Austurlandi að Glettingi. Engar viðvaranir eru þó í gildi á Suðurlandi.