Guðmundur Hrafn nýr formaður SÍA

Guðmundur Hrafn Pálsson, framkvæmdastjóri Pipars/TBWA, var kjörinn formaður Sambands íslenskra auglýsingastofa (SÍA) á aðalfundi sambandsins í gær.

Í tilkynningu frá Félagi atvinnurekanda segir að auk Guðmundar Hrafns hafi þau Bragi Valdimar Skúlason frá Brandenburg og Dóra Kristín Briem frá Íslensku auglýsingastofunni verið kjörin í stjórn. Varamaður í stjórn er Hans Orri Kristjánsson frá Jónsson & Le’macks.

Aðalfundurinn var haldinn í húsakynnum Félags atvinnurekenda, en SÍA er aðildarfélag FA.