Búið er að aflýsa flugi WOW air til Keflavíkur frá Gatwick flugvelli í London í kvöld. Ráðgert var að flogið yrði frá Lundúnum seint í kvöld, en nú er ljóst að ekkert verður af því. Þetta er annað flug WOW frá Gatwick sem aflýst hefur verið í dag. Mbl greinir frá þessu.
Í skilaboðum sem farþegum voru send kom fram að fluginu hafi verið aflýst vegna takmarkanna í rekstri félagsins (e. operational restrictions).
Í frétt RÚV um málið er haft eftir Svanhvíti Friðriksdóttur, upplýsingafulltrúa WOW, að allar ferðir félagsins verði á áætlun á morgun.
Ljóst er að staða WOW er nokkuð þröng en í gær var tilkynnt að Icelandair Group hefði tekið ákvörðun um að koma ekki að rekstri félagsins sökum fjárhagsstöðu WOW. Þetta voru aðrar viðræður Icelandair og WOW um mögulegan samruna eða fjárfestingu fyrrnefnda félagsins í því seinna.
Í millitíðinni hófust viðræður bandaríska fjárfestingasjóðsins Indigo Partners um fjárfestingu í WOW en það gekk ekki eftir.
Öðru flugi WOW frá London aflýst
Tengdar fréttir
Síminn ekki stoppað vegna WOW
Breki Karlsson, formaður Neytendasamtakanna, segir í samtali við Vísi að félagsmennirnir velti stöðu sinni fyrir sér ef allt fer á versta veg með WOW air og hvað gerist fyrir bókanir sem þeir hafa greitt fyrir.
Endurskipulagning WOW í kortunum
Breytingarnar verða kynntar á morgun samkvæmt fulltrúa fjárfesta.
Treystu sér ekki til að halda áfram viðræðum vegna fjárhagsstöðu WOW
Þetta kemur fram í tilkynningu frá Icelandair.
Vél WOW air föst í Montreal og ferðum til og frá London aflýst
Óljóst hvort það tengist bilun eða kyrrsetningu.
Vandræði WOW air í heimspressunni
Fjallað hefur verið um stöðuna hjá WOW air í erlendum fjölmiðlum í dag en Skúli Mogensen, stofnandi og forstjóri félagsins, reynir nú allt til þess að bjarga því frá gjaldþroti eftir að viðræðum við Icelandair um mögulega aðkomu að rekstri WOW var slitið um miðjan dag í gær.
