Conchita Wurst nánast óþekkjanleg í nýju myndbandi

Austurríski söngvarinn Tom Neuwirth hefur gefið út nýtt lag sem nefnist Hit me sem er ansi frábrugðið kraftballöðunni Rise Like a Phoenix sem hann flutti í gervi Conchitu Wurst og tryggði sigurinn í Eurovision árið 2014.

Conchita Wurst er hliðarsjálf sem Neuwirth skapaði en sjálfur hefur hann lýst sér sem samkynhneigðum manni og dragdrottningu.

Í Eurovision var hann klæddur í kvenmannsföt og með sítt dökkt hár þegar hann brá sér í gervi Conchitu. Skartaði Neuwirth dökku og þykku skeggi þegar hann var í gervi Conchitu en í dag hefur hann tekið upp listamannsnafnið Wurst og hefur skipt síðu dökku lokkunum út fyrir stutt og aflitað hár. Skeggið hefur einnig verið aflitað og má segja að Nuewirth sé nánast óþekkjanlegur frá því sem áhorfendur sáu í Eurovision árið 2014.