Sleppa ekki við skólann í landsliðsferðinni

Íslenska sautján ára landslkiðið í fótbolta er nú statt í keppnisferð í Hvíta Rússlandi og missa strákarnir því af mörgum dögum í skólanum. Námið fær hins vegar sinn tíma í dagskránni.

Í Hvíta Rússlandi stunda nefnilega leikmenn sautján ára landsliðs karla nám sitt af fullum krafti á milli leikja og æfinga. Knattspyrnusamband Íslands segir frá þessu á heimasíðu sinni.

Kennarar hafa oft verið með í för í starfi liðsstjóra og verið leikmönnum innan handar við námið. Hilmar Þór Sigurjónsson, kennari, er liðsstjóri liðsins í Hvíta Rússlandi, en hann er einmitt kennari.

Hugmyndin er sú að þeir sem eru í skipulögðu námi hafi stuðning, með aðgang að kennara, til að sinna námi sínu á meðan landsliðsverkefni standa yfir.

Á hverjum degi eru skipulagður kennslustundir þar sem strákarnir setjast saman niður og vinna í sínum verkefnum. Þeir sem þurfa meiri hjálp hafa svo aðgang að kennaranum allan daginn.

Íslenska liðið leikur um fimmta til áttunda sæti á þessu móti í Hvíta Rússlandi en liðið lenti í þriðja sæti síns riðils. Strákarnir mæta næst Belgíu á morgunn og hefst sá leikur klukkan 11:10. Sigurvegari viðureignarinnar mætir síðan Búlgaríu eða Tajikistan í leik um 5. sætið.