Segist þreytt á strengjabrúðutali borgarstjóra Kolbeinn Tumi Daðason skrifar 8. janúar 2019 10:30 Hildur Björnsdóttir er borgarfulltrúi Sjálfstæðisflokksins. Hún sést hér með kollegum sínum, Mörtu Guðjónsdóttur og Eyþóri Arnalds. fréttablaðið/sigtryggur ari Hildur Björnsdóttir, borgarfulltrúi Sjálfstæðisflokksins, segist endurtekið sitja undir ásökunum frá Degi B. Eggertssyni borgarstjóra að hún sé strengjabrúða innan Sjálfstæðisflokksins. Hildur tilkynnti borgarstjóra í gær að hún ætlaði að víkja úr þriggja manna hópi sem ætlað er að rýna í niðurstöður skýrslu Innri endurskoðunar um braggamálið og vinna tillögur að úrbótum. Áður hafði hún skorað á Dag að víkja þar sem hún taldi veru hans í hópnum minnka trúverðugleika hópsins. Innri endurskoðun skilaði í desember skýrslu um braggamálið, endurgerð Braggans við Nauthólsveg 100. Þar var fátt jákvætt að finna. Farið var á svig við lög og innkaupareglur auk þess sem eftirliti, verkferlum og ábyrgð var ábótavant. Raunkostnaður við byggingu braggans nam 425 milljónum króna en upphafleg kostnaðaráætlun var 158 milljónir króna. Þann 20. desember var skipaður þriggja manna rýnihópur. Í honum tóku sæti borgarstjóri, Þórdís Lóa Þórhallsdóttir borgarfulltrúi Viðreisnar auk Hildar. Tveimur dögum síðar krafðist Hildur að borgarstjóri viki úr hópnum.Telur borgarstjóra hafa vanrækt skyldur sínar „Niðurstöður Braggaskýrslunnar draga upp dökka mynd. Nú er unnið að fjórum skýrslum til viðbótar – fjögur framúrkeyrsluverkefni til viðbótar. Hvert málið rekur annað. Stjórnsýslan hefur brugðist. Borgarstjóri vanrækti skyldur sínar og lög voru brotin. Skýrslan tekur af allan vafa,“ sagði Hildur á Facebook fyrir jól. Borgarstjóri svaraði Hildi í gær og sagðist ekki ætla úr hópnum. Hann bæri ábyrgð á að rétt yrði brugðist við skýrslunni. „Það er einmitt sagt og nefnt sérstaklega að okkur beri að tryggja að upplýsingagjöfin sé nægjanlega mikil og tíð þannig að hægt sé að taka á þessu. Það er einmitt eitt af þeim verkefnum sem við förum núna í. Að þær reglulegu upplýsingar og skýrslur sem við fáum séu nægjanlega skýrar til þess að hægt sé að grípa inn í í tíma. Að framúrkeyrsla eins og í þessu tilfelli komi ekki inn á okkar borð eftir á.“ Hann telur trúverðugleika hópsins engu minni þótt braggamálið hafi komið upp á hans vakt sem borgarstjóri. „Nei, það hefur verið reynt að gera það að einhverju pólitísku upphlaupsmáli. Ég held að það tengist frekar því að þetta óvenjulega skref sem Hildur tók að taka þátt í þessari vinnu mæltist illa fyrir í ákveðnum hluta baklands Sjálfstæðisflokksins, þeim sem vilja keyra harðlínu í öllum málum. Vilja ekki neitt samstarf milli meirihluta og minnihluta. Í mínum huga er það gamaldagspólitík þar sem maður nær minni árangri.“ Hildur segist aldrei hafa vikið sér undan því að vinna með meirihlutanum eða hverjum sem er. Það sé ástæðan fyrir því að hún tók sæti í hópnum. Æskilegt hefði verið að Dagur stigi út og hlutlaus aðili, til dæmis frá Innri endurskoðun, kæmi inn. Engin ástæða væri til að hafa pólitískan meirihluta í hópnum.Segir Dag gera lítið úr konum Vigdís Hauksdóttir, borgarfulltrúi Miðflokksins, segir borgarstjóra gera lítið úr konum með viðbrögðum sínum. Það geri Samfylkingarmenn þegar þeir séu komnir út í horn. Hildur sagði í Bítinu á Bylgjunni í morgun að þetta væri ekki í fyrsta skipti sem hún þyrfti að sitja undir orðum borgarstjóra að henni væri stjórnað af baklandi Sjálfstæðisflokksins. „Þetta er ekki í fyrsta skipti sem ég sit undir slíkum ásökunum frá honum að ég sé einmitt einhver strengjabrúða. Hvað segir maður við svona? Þetta er auðvitað ótrúlegt. Kannski er það margur heldur mig sig. Ég veit ekki hvernig hlutirnir ganga fyrir sig hjá Samfylkingunni. En ég hef ekki kynnst neinu slíku í Sjálfstæðisflokknum.“ Allt frá því henni var boðið að taka annað sæti á lista flokksins í borginni án bakgrunns í stjórnmálum eða flokknum hafi hún fundið fyrir því að fólk vilji að í henni heyrist. „Aldrei nokkurn tímann hefur nokkur reynt að stjórna mér, enda myndi það ekki takast.“ Borgarstjórn Braggamálið Mest lesið Ýmislegt hægt að lesa í mætingu á fund Áslaugar Innlent Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent „Já, líklega hef ég verið undrabarn“ Innlent Áslaug ætlar í formanninn Innlent Allir starfsmenn VG missa vinnuna seinna á árinu Innlent Sleðar bannaðir á opnunartíma: „Leið eins og maður væri ekki velkominn“ Innlent Enginn megi vera krýndur formaður Innlent Byssumaðurinn hafi miðað á aðra í hópnum Innlent Musk birtist óvænt og ávarpaði samkomu fjarhægrimanna Erlent Þarf að taka fjölskylduna inn í myndina Innlent Fleiri fréttir Kærði lögregluna en málið ekki rannsakað af öðrum en lögreglunni Borgarstjóri tók við tæplega 3000 undirskriftum vegna Álfabakka Ráðherra hringdi í skólastjóra vegna týnds skópars Kristrún upplýst um fundinn með skömmum fyrirvara Óhapp á Reykjavíkurflugvelli og flugbraut lokað Óvíst hvenær fundað verður aftur Engin leit í gangi að leðurblökunni Styrkjamálið vindur upp á sig Þáðu líka styrk án réttrar skráningar Gerði ekki samkomulag við Þórdísi um formannsframboðið Vísir á vettvangi: Formannsefnið sem á „erindi við breiddina, en ekki bara Mjóddina“ Fann að eitthvað væri á seyði þegar hann skoðaði efnin Bíða þess að samningur um neyslurými verði endurnýjaður Notendur ADHD-lyfja aldrei fleiri og kostnaðurinn aldrei meiri Neitaði að yfirgefa öldurhús og sparkaði í lögreglumann „Það eru mikil tíðindi að verða í íslenskum stjórnmálum“ Leðurblaka flögrar um Hlíðarnar Harður árekstur á Miklubraut Ekkert ökklaband fyrir brot á nálgunarbanni þrátt fyrir fyrirmæli ríkissaksóknara Áslaug hafi þennan „x-factor“ Laugin muni ekki opna fyrr en í fyrsta lagi seinnipart mánudags Eldur á Álfhólsvegi Ekkert bólar á ökklaböndum og nýir tímar hjá Sjálfstæðisflokknum Ekki ákveðið hvort hún ætli í varaformanninn ef hún tapar Ýmislegt hægt að lesa í mætingu á fund Áslaugar „Afar miður“ að sjá breytta afstöðu Bandaríkjanna í hinseginmálum Fimmtungsfjölgun íbúa í Vogum á síðasta ári Hefð fyrir ungum formönnum en ekki konum Áslaug ætlar í formanninn Fimmtánfalda sekt fyrir vopnaburð á almannafæri Sjá meira
Hildur Björnsdóttir, borgarfulltrúi Sjálfstæðisflokksins, segist endurtekið sitja undir ásökunum frá Degi B. Eggertssyni borgarstjóra að hún sé strengjabrúða innan Sjálfstæðisflokksins. Hildur tilkynnti borgarstjóra í gær að hún ætlaði að víkja úr þriggja manna hópi sem ætlað er að rýna í niðurstöður skýrslu Innri endurskoðunar um braggamálið og vinna tillögur að úrbótum. Áður hafði hún skorað á Dag að víkja þar sem hún taldi veru hans í hópnum minnka trúverðugleika hópsins. Innri endurskoðun skilaði í desember skýrslu um braggamálið, endurgerð Braggans við Nauthólsveg 100. Þar var fátt jákvætt að finna. Farið var á svig við lög og innkaupareglur auk þess sem eftirliti, verkferlum og ábyrgð var ábótavant. Raunkostnaður við byggingu braggans nam 425 milljónum króna en upphafleg kostnaðaráætlun var 158 milljónir króna. Þann 20. desember var skipaður þriggja manna rýnihópur. Í honum tóku sæti borgarstjóri, Þórdís Lóa Þórhallsdóttir borgarfulltrúi Viðreisnar auk Hildar. Tveimur dögum síðar krafðist Hildur að borgarstjóri viki úr hópnum.Telur borgarstjóra hafa vanrækt skyldur sínar „Niðurstöður Braggaskýrslunnar draga upp dökka mynd. Nú er unnið að fjórum skýrslum til viðbótar – fjögur framúrkeyrsluverkefni til viðbótar. Hvert málið rekur annað. Stjórnsýslan hefur brugðist. Borgarstjóri vanrækti skyldur sínar og lög voru brotin. Skýrslan tekur af allan vafa,“ sagði Hildur á Facebook fyrir jól. Borgarstjóri svaraði Hildi í gær og sagðist ekki ætla úr hópnum. Hann bæri ábyrgð á að rétt yrði brugðist við skýrslunni. „Það er einmitt sagt og nefnt sérstaklega að okkur beri að tryggja að upplýsingagjöfin sé nægjanlega mikil og tíð þannig að hægt sé að taka á þessu. Það er einmitt eitt af þeim verkefnum sem við förum núna í. Að þær reglulegu upplýsingar og skýrslur sem við fáum séu nægjanlega skýrar til þess að hægt sé að grípa inn í í tíma. Að framúrkeyrsla eins og í þessu tilfelli komi ekki inn á okkar borð eftir á.“ Hann telur trúverðugleika hópsins engu minni þótt braggamálið hafi komið upp á hans vakt sem borgarstjóri. „Nei, það hefur verið reynt að gera það að einhverju pólitísku upphlaupsmáli. Ég held að það tengist frekar því að þetta óvenjulega skref sem Hildur tók að taka þátt í þessari vinnu mæltist illa fyrir í ákveðnum hluta baklands Sjálfstæðisflokksins, þeim sem vilja keyra harðlínu í öllum málum. Vilja ekki neitt samstarf milli meirihluta og minnihluta. Í mínum huga er það gamaldagspólitík þar sem maður nær minni árangri.“ Hildur segist aldrei hafa vikið sér undan því að vinna með meirihlutanum eða hverjum sem er. Það sé ástæðan fyrir því að hún tók sæti í hópnum. Æskilegt hefði verið að Dagur stigi út og hlutlaus aðili, til dæmis frá Innri endurskoðun, kæmi inn. Engin ástæða væri til að hafa pólitískan meirihluta í hópnum.Segir Dag gera lítið úr konum Vigdís Hauksdóttir, borgarfulltrúi Miðflokksins, segir borgarstjóra gera lítið úr konum með viðbrögðum sínum. Það geri Samfylkingarmenn þegar þeir séu komnir út í horn. Hildur sagði í Bítinu á Bylgjunni í morgun að þetta væri ekki í fyrsta skipti sem hún þyrfti að sitja undir orðum borgarstjóra að henni væri stjórnað af baklandi Sjálfstæðisflokksins. „Þetta er ekki í fyrsta skipti sem ég sit undir slíkum ásökunum frá honum að ég sé einmitt einhver strengjabrúða. Hvað segir maður við svona? Þetta er auðvitað ótrúlegt. Kannski er það margur heldur mig sig. Ég veit ekki hvernig hlutirnir ganga fyrir sig hjá Samfylkingunni. En ég hef ekki kynnst neinu slíku í Sjálfstæðisflokknum.“ Allt frá því henni var boðið að taka annað sæti á lista flokksins í borginni án bakgrunns í stjórnmálum eða flokknum hafi hún fundið fyrir því að fólk vilji að í henni heyrist. „Aldrei nokkurn tímann hefur nokkur reynt að stjórna mér, enda myndi það ekki takast.“
Borgarstjórn Braggamálið Mest lesið Ýmislegt hægt að lesa í mætingu á fund Áslaugar Innlent Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent „Já, líklega hef ég verið undrabarn“ Innlent Áslaug ætlar í formanninn Innlent Allir starfsmenn VG missa vinnuna seinna á árinu Innlent Sleðar bannaðir á opnunartíma: „Leið eins og maður væri ekki velkominn“ Innlent Enginn megi vera krýndur formaður Innlent Byssumaðurinn hafi miðað á aðra í hópnum Innlent Musk birtist óvænt og ávarpaði samkomu fjarhægrimanna Erlent Þarf að taka fjölskylduna inn í myndina Innlent Fleiri fréttir Kærði lögregluna en málið ekki rannsakað af öðrum en lögreglunni Borgarstjóri tók við tæplega 3000 undirskriftum vegna Álfabakka Ráðherra hringdi í skólastjóra vegna týnds skópars Kristrún upplýst um fundinn með skömmum fyrirvara Óhapp á Reykjavíkurflugvelli og flugbraut lokað Óvíst hvenær fundað verður aftur Engin leit í gangi að leðurblökunni Styrkjamálið vindur upp á sig Þáðu líka styrk án réttrar skráningar Gerði ekki samkomulag við Þórdísi um formannsframboðið Vísir á vettvangi: Formannsefnið sem á „erindi við breiddina, en ekki bara Mjóddina“ Fann að eitthvað væri á seyði þegar hann skoðaði efnin Bíða þess að samningur um neyslurými verði endurnýjaður Notendur ADHD-lyfja aldrei fleiri og kostnaðurinn aldrei meiri Neitaði að yfirgefa öldurhús og sparkaði í lögreglumann „Það eru mikil tíðindi að verða í íslenskum stjórnmálum“ Leðurblaka flögrar um Hlíðarnar Harður árekstur á Miklubraut Ekkert ökklaband fyrir brot á nálgunarbanni þrátt fyrir fyrirmæli ríkissaksóknara Áslaug hafi þennan „x-factor“ Laugin muni ekki opna fyrr en í fyrsta lagi seinnipart mánudags Eldur á Álfhólsvegi Ekkert bólar á ökklaböndum og nýir tímar hjá Sjálfstæðisflokknum Ekki ákveðið hvort hún ætli í varaformanninn ef hún tapar Ýmislegt hægt að lesa í mætingu á fund Áslaugar „Afar miður“ að sjá breytta afstöðu Bandaríkjanna í hinseginmálum Fimmtungsfjölgun íbúa í Vogum á síðasta ári Hefð fyrir ungum formönnum en ekki konum Áslaug ætlar í formanninn Fimmtánfalda sekt fyrir vopnaburð á almannafæri Sjá meira
Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent
Stærsta kristal-amfetamínmál sögunnar: Sagði bílinn fluttan inn vegna kvikmyndaverkefnis Innlent