Körfubolti

Harden og félagar í Houston Rockets með þristamet í nótt

Óskar Ófeigur Jónsson skrifar
Það var gaman hjá James Harden og félögum í nótt.
Það var gaman hjá James Harden og félögum í nótt. Vísir/Getty
Leikmenn Houston Rockets voru í miklu stuði í NBA-deildinni i körfubolta í nótt og settu nýtt met í þriggja stiga körfum. Alls skoruðu James Harden og félagar 26 þrista í stórsigri á Washington Wizards. Bæði NBA-meistarar Golden State Warriors og lið Boston Celtics urðu að sætta sig við tap í sínum leikjum og þá vann lið Brooklyn Nets sinn sjöunda leik í röð.









James Harden skoraði 35 stig og gaf 9 stoðsendingar þegar Houston Rockets vann 136-118 sigur á Washington Wizards. Harden skoraði 6 af 26 þriggja stiga körfum liðsins í leiknum.

Gamla metið í þriggja stiga körfum voru 25 þristar en það átti lið Cleveland Cavaliers frá 3. mars 207. Michael Carter-Williams skoraði 26 þriggja stiga körfuna 31 sekúndu fyrir leikslok og bætti þar með metið.

Chris Paul var með 21 og 8 stoðsendingar en hann skoraði fimm þrista og Eric Gordon var með fjóra en alls skaut Houston liðið 55 sinnum fyrir utan þriggja stiga línuna í leiknum.





Joe Ingles og Rudy Gobert voru í fararbroddi þegar Utah Jazz vann 108-103 sigur á NBA-meisturum Golden State Warriors, Ingles skoraði 20 stig og Gobert var með 17 stig og 15 fráköst. Jae Crowder skoraði 18 stig og Utah vann þótt að Donovan Mitchell hitti aðeins úr 5 af 26 skotum sínum.

Stephen Curry var stigahæstur hjá Golden State með 32 stig og Kevin Durant bætti við 30 stigum en þetta var aðeins annað tap liðsins í síðustu átta leikjum. Durant komst upp fyrir Gary Payton (21.813 stig) og upp í 32. sæti yfir stigahæstu leikmen NBA-sögunnar.





Devin Booker skoraði 25 stig og gaf 8 stoðsendingar þegar Phoenix Suns vann 111-103 sigur á Boston Celtics og það í Boston. Þetta var fjórði sigur Suns-liðsins í röð.

Nýliðinn Deandre Ayton var frábær hjá Phoenix með 23 stig og 18 fráköst en Phoenix er búið að vinna jafnmarga leiki í síðustu fjórum leikjum (4) og liðið vann í fyrstu 28 (4).

Kyrie Irving var stigahæstur hjá Boston með 29 stig og Jayson Tatum skoraði 18 stig. Þetta var annað tap Boston liðsins í röð eftir að hafa verið á átta leikja sigurgöngu þar á undan.





Joel Embiid var með 24 stig og 10 fráköst og Ben Simmons bætti við sinni annarri þrennu í síðustu þremur leikjum þegar Philadelphia 76ers vann 131-109 sigur á New York Knicks. Simmons endaði með 13 stig, 11 fráköst og 10 stoðsendingar en Jimmy Butler var líka með 20 stig. 76ers liðið var fyrir leikinn búið að tapa þremur af síðustu fjórum leikjum sínum.





Blake Griffin skoraði 34 stig og Reggie Bullock var með 33 stig þegar Detroit Pistons vann 129-123 útisigur á Minnesota Timberwolves eftir framlengdan leik. Pistons liðið var fjórtán stigum undir í fjórða leikhluta en hitti úr 9 af 13 þriggja stiga körfum í honum og kom leiknum í framlengingu.

Grikkinn Giannis Antetokounmpo gældi við þrennuna með 25 stigum, 8 fráköstum og 8 stoðsendingum þegar Milwaukee Bucks vann 123-115 sigur á  New Orleans Pelicans.







Úrslitin í NBA í nótt:

Utah Jazz - Golden State Warriors    108-103    

Chicago Bulls - Brooklyn Nets    93-96    

Houston Rockets - Washington Wizards    136-118    

Milwaukee Bucks - New Orleans Pelicans    123-115    

Minnesota Timberwolves - Detroit Pistons    123-129 (118-118)    

Boston Celtics - Phoenix Suns    103-111    

Toronto Raptors - Indiana Pacers    99-96    

Charlotte Hornets - Cleveland Cavaliers    110-99    

Orlando Magic - San Antonio Spurs    90-129    

Philadelphia 76ers - New York Knicks    131-109   

NBA

Mest lesið


Fleiri fréttir

Sjá meira


×

Mest lesið