Víkur úr stjórn Símans vegna ákæru

Birgir S. Bjarnason, stjórnarmaður í Símanum hefur tilkynnt stjórn Símans að hann hafi óskað eftir því að víkja úr stjórn Símans og Mílu.

Í tilkynningu Símans til kauphallar segir að ástæðan „persónuleg mál sem eru til meðferðar á hendur honum fyrir dómstólum.“

Á vef Mbl.is segir að Birgir hafi verið ákærður fyrir skattalagabrot í september. Er honum gefið að sök að hafa ekki, sem framkvæmdastjóri fyrirtækis sem nú er afskráð, ekki hafa staðið skil á staðgreiðslu upp á um 25 milljónir króna á árunum 2015-2017.

Í tilkynningunni segir að Birgir muni víkja sæti þangað til málið sé til lykta leitt fyrir dómstólum.