Verður að þrífa baðherbergið og hugsa betur um köttinn til að fá að vera áfram

Yfirvöld í Ekvador hafa lagt línurnar fyrir Julian Assange, stofnanda Wikileaks, vilji hann áfram njóta friðhelgis innan sendiráðs Ekvador í London. Guardian greinir frá.

Assange hefur dvalið í sendiráði Ekvadors frá árinu 2012 og hafa samvistir hans og sendiráðsstarfsmanna ekki gengiðhnökralaust fyrir sig. Yfirvöld Ekvador meinuðu honum aðgang að netinu fyrir tæpu hálfu ári síðan og var það gert til að koma í veg fyrir að hann væri að blanda sér í málefni annarra ríkja og koma niður á stjórnmálasamböndum Ekvador.

Nú hefur hann hins fengið netaðgang aftur en aðganginum fylgja stranga húsreglur sem Assange þarf að gjöra svo vel að fylgja.

Í frétt Guardian segir að til þess sé mælst að Assange tjái sig sem minnst um stjórmál á netinu. Þá þarf hann einnig að þrífa baðherbergið sitt og sjá betur um köttinn sem börn hans gáfu honum árið 2016. Sjái Assange ekki um að kötturinn sé þrifinn, fái nóg að borða og líði almennt vel, gæti kötturinn verið tekinn af honum

Þá þarf Assange að láta sendirráðsstarfsmenn vita með þriggja daga fyrirvara vilji hann taka á móti gestum og þurfa yfirmenn sendiráðsins að samþykkja hverjir fái að koma í heimsókn. Þá má hann aðeins tengja símann sinn og tölvu við þráðlaust net sendiráðsins en reyni hann að tengja einhvern annan búnað við netið má hann búast við því að búnaðurinn verði tekinn af honum.

Ný ríkisstjórn Ekvador hefur um nokkuð skeið reynt að koma Assange úr sendiráðinu. Assange flúði þangað vegna ákæru um nauðgun í Svíþjóð. Það mál hefur verið fellt niður en hann á þó enn handtöku yfir höfði sér í Bretlandi fyrir að hafa ekki mætt fyrir dómara. Assange óttast að vera framseldur til Bandaríkjanna verði hann handtekinn.