Meistararnir hófu titilvörnina á sigri

NBA-deildin fór aftur af stað í nótt með tveimur stórleikjum þar sem stórliðin í austrinu og vestrinu létu ljós sitt skína.

Meistarar Golden State Warriors fengu meistarahringana sína fyrir leikinn gegn Oklahoma City í nótt og spiluðu síðan eins og meistarar.

For that ring! #ThisIsWhyWePlaypic.twitter.com/RPtdy2Gc9n

— NBA (@NBA) October 17, 2018

Warriors var með gott forskot í hálfleik en missti það niður. Meistararnir náðu svo fullum völdum á leiknum í fjórða leikhluta og hófu leiktíðina á sigri.  Stephen Curry með 32 stig og Kevin Durant 27.

Það var enginn Russell Westbrook í liði Thunder en hann er enn að jafna sig eftir hnéaðgerð. Andre Roberson líka meiddur og spilar ekki fyrr en í desember. Paul George bestur í liði Thunder með 27 stig.

Steph Curry drills 5 triples en route to 32 PTS, 9 AST, 8 REB in the @warriors home win! #DubNation#KiaTipOff18pic.twitter.com/HJN1ImhpdH

— NBA (@NBA) October 17, 2018

Boston valtaði svo yfir Philadelphia þar sem Jayson Tatum var stigahæstur í þeirra liði með 23 stig og Marcus Morris kom næstur með 16.

Joel Embiid skástur í liði 76ers með 23 stig og Ben Simmons bætti við 19 stigum og 15 fráköstum.

Jayson Tatum shines in the @celtics opening night win with 23 PTS, 9 REB, 3 AST! #CUsRise#KiaTipOff18pic.twitter.com/FbWCvDGF5p

— NBA (@NBA) October 17, 2018

Úrslit:

Golden State-Oklahoma City  108-100

Boston-Philadelphia  105-87