Sjáðu upphitunarþátt Körfuboltakvölds í heild sinni

Domino´s-deild karla í körfubolta hefst á fimmtudaginn en hitað var upp fyrir deildina í upphitunarþætti Domino´s-Körfuboltakvölds síðastliðið föstudagskvöld þar sem að spáð var í spilin og farið yfir helstu leikmenn liðanna.

Teitur Örlygsson, Jón Halldór Eðvaldsson og Kristinn Friðriksson voru sérfræðingar þáttarins þar sem að spáin fyrir komandi vetur var birt en Tómas Þór Þórðarson leysti Kjartan Atla Kjartansson af í þessum fyrsta þætta.

Landslagið í íslenskum körfubolta er breytt þar sem að nú má vera með eins marga svokallaða Bosman-leikmenn og menn vilja en áfram má aðeins einn Bandaríkjamaður spila í einu. Menn voru langt frá því að vera sammála með allt, þá sérstaklega Jón Halldór Eðvaldsson.

Upphitunarþáttur Domino´s-deildar kvenna verður svo á dagskrá annað kvöld klukkan 21.00 á Stöð 2 Sport 2.

Allan þáttinn frá því á föstudaginn má sjá hér að neðan.