LeBron James verður í aðalhlutverki í Space Jam 2

Það var loksins staðfest í gær að til stendur að gera Space Jam 2. Michael Jordan var í aðalhlutverki í fyrri myndinni með Kalla kanínu en nú er komið að LeBron James að láta ljós sitt skína á hvíta tjaldinu.

Space Jam kom út árið 1996 og var geysilega vinsæl enda tekjuhæsta körfuboltamynd frá upphafi. Það eru viðræður við Jordan um að taka þátt í nýju myndinni.

pic.twitter.com/Ay6wRaB915

— SpringHill Ent. (@SpringHillEnt) September 19, 2018

Byrjað verður að taka myndina upp á næsta ári. Þetta er fyrsta kvikmyndahlutverk James síðan hann lék í Trainwreck árið 2015.

Þessi mynd hefur verið lengi í burðarliðnum en þar sem James er mættur til Hollywood er vel við hæfi að koma ferlinu í gang.