Vince Carter enn að í NBA

Vince Carter er búinn að gera eins árs samning við Atlanta Hawks og mun leika með liðinu í NBA körfuboltanum á komandi leiktíð.

Carter var á sínum tíma einn af bestu leikmönnum deildarinnar en hann mun fagna 42 ára afmæli sínu á miðju næsta tímabili.

Hann er á leið í sitt tuttugasta og fyrsta tímabil í NBA eftir að hafa verið valinn fimmti í nýliðavalinu 1998. Carter var elsti leikmaður deildarinnar á síðustu leiktíð og mun halda þeirri nafnbót áfram.

Carter lék síðast með Sacramento Kings þar sem hann kom við sögu í 58 leikjum en byrjaði aðeins fimm þeirra. Hann skilaði 5,4 stigum að meðaltali í leik hjá Kings.

Free agent Vince Carter has agreed to a one-year deal with the Atlanta Hawks, league source tells ESPN. Hawks want Carter around its young locker room.

— Adrian Wojnarowski (@wojespn) July 25, 2018