Þrjú hundruð fermetra einbýlishús í Laugardalnum á 140 milljónir

Fasteignasalan Domusnova er með einstaklega glæsilegt einbýlishús á Laugarásvegi á söluskrá en ásett verð er 140 milljónir.

Um er að ræða hús sem staðsett er á horni Sunnuvegar og Laugarásvegar með útsýni niður í Laugardal. Húsið er byggt árið 1968 og er 300 fermetrar að stærð.

Fasteignamatið er 108 milljónir en tvöfaldur bílskúr fylgir húsinu. Alls eru fimm svefnherbergi í eigninni en innréttingarnar virðast mikið til vera upprunalegar.

Svalirnar við húsið eru rúmgóðar og er útsýnið af þeim nokkuð fallegt en hér að neðan má sjá myndir af eigninni.