Huey Lewis aflýsir tónleikahaldi vegna heyrnaskaða

Bandaríski tónlistarmaðurinn Huey Lewis hefur neyðst til að aflýsa öllu tónleikahaldi með hljómsveitinni The News vegna heyrnaskaða. 

Lewis tilkynnti þetta á Twitter-síðu sinni í dag en hann segist hafa misst nærri því alla heyrn fyrir tónleika í Dallas í Bandaríkjunum fyrir tveimur og hálfum mánuði.

„Ég heyri smá og get greint samtöl sem ég við fólk, en ég heyri tónlist ekki nógu vel til að geta sungið með henni,“ segir Lewis.

Hann hefur leitað til nokkurra lækna sem allir hafa ráðlagt honum að halda sig frá tónleikahaldi þar til ástand hans lagast.

Huey Lewis and the News höfðu ráðgert að leika á fjölda tónleika í sumar en þurfa að aflýsa þeim. Lewis biður allar aðdáendur sína sem höfðu keypt miða innilegrar afsökunar. 

Huey Lewis and The News cancel all 2018 performances. See attached note from Huey. pic.twitter.com/FbWqDlGwnR

— Huey Lewis (@Huey_Lewis_News) April 13, 2018