Árstíð sinubruna stendur yfir

Einn slökkviliðsbíll var kallaður út á Laugarnestanga á fimmta tímanum í dag vegna sinubruna. Síðast í gær var slökkvilið kallað út á Sæbraut við Kirkjusand vegna sinubruna og ekki er langt síðan slökkva þurfti eld í hól við Háteigsveg af sömu völdum.

Fulltrúi slökkvliðs tjáði blaðamanni að nú væri árstíð sinubruna. Hann reiknaði ekki með því að aðgerðir á Laugarnestanga tækju langan tíma. Um minniháttar bruna væri að ræða.

Hér fyrir neðan má sjá myndir frá aðgerðum slökkviliðsins í dag.