Ari Ólafsson flytur ábreiðu af sigurlagi Salvador Sobral

Ari Ólafsson, sem mun keppa fyrir hönd Íslands í Söngvakeppni evrópskra sjónvarpsstöðva í Lissabon í maí hefur sent frá sér ábreiðu af sigurlagi keppninnar í fyrra, Amor Pelos Dois. 

Hinn portúgalski Salvador Sobral söng sig inn í hjörtu Evrópu í fyrra þegar hann flutti lagið á portúgölsku, en útgáfa Ara er þó á ensku. Á íslensku þýðir titill lagsins Ást fyrir tvo.

Ari Ólafsson mun flytja lagið Our Choice í Altice tónleikahöllinni í Lissabon þann 8. maí næstkomandi á fyrra undankvöldi keppninnar.