Fyrsti sigurvegari Eurovision látinn

Lys Assia, sem vann fyrstu Eurovision keppnina árið 1956 er látin, 94 ára að aldri. 

Assia söng lagið Refrain í fyrstu keppninni fyrir hönd Sviss. Þá var keppnin mað allt öðru sniði en nú. Einungis sjö lönd tóku þátt og hvert land átti tvo fulltrúa. Assia tók einnig þátt í þýsku undankeppninni sama ár og þá var hún einnig fulltrúi Sviss árið 1957 og 1958. 

Lys Assia, the first winner of #Eurovision who passed away today, took part in the Contest three times. Here we remember her performances: https://t.co/8HGA74Srse @LysAssia pic.twitter.com/PN7JP7sF9G

— Eurovision (@Eurovision) March 24, 2018

Árið 2012 freistaði Assia þess að taka þátt í fjórða sinn með laginu C‘était ma vie en hafnaði í áttunda sæti í undankeppninni í Sviss. Henni var þó boðið að vera viðstödd keppnina það ár í Baku í Azerbaijan sem heiðursgestur.

Assia lést fyrr í dag á sjúkrahúsi í nágrenni Zurich. Hún fagnaði 94 ára afmæli sínu þann 4. mars síðastliðinn.