Innlent

Fimm á bráðadeild vegna flugeldaslysa

Atli Ísleifsson skrifar
Flestir sem leituðu á bráðadeild hafi leitað þangað vegna hálkuslysa og áfengisneyslu. Myndin tengist fréttinni ekki beint.
Flestir sem leituðu á bráðadeild hafi leitað þangað vegna hálkuslysa og áfengisneyslu. Myndin tengist fréttinni ekki beint. Vísir/Eyþór
Fimm manns leituðu á bráðadeild Landspítalans í Reykjavík í nótt vegna slysa af völdum flugelda. Þetta eru nokkuð færri tilfelli en á síðasta ári.

Þetta segir Bergur Stefánsson á bráðadeildinni í samtali við mbl.is í morgun. Hann segir að meðal annars hafi ung stúlka leitað aðhlynningar eftir að hafa fengið flugeld í höndina og hlotið af því áverka bæði á hendi og í andliti.

Annars hafi nóttin verið annasöm á bráðadeildinni þar sem flestir hafi leitað þangað vegna hálkuslysa og áfengisneyslu.

Flugeldar Heilbrigðismál

Mest lesið


Fleiri fréttir

Sjá meira


×

Mest lesið