Apple settur í bann af Giants

Ömurlegu tímabili nýliðans Eli Apple hjá NY Giants er lokið þar sem félag hans hefur sett hann í agabann í lokaumferð deildarkeppninnar um næstu helgi.

Apple var valinn tíundi í nýliðavalinu en hefur engan veginn staðið undir væntingum. Hann hefur verið lélegur á vellinum og þess utan engan veginn náð saman við liðsfélaga sína.

Forráðamenn Giants segja ítrekaða hegðun Apple vera ástæðuna fyrir banninu. Hann hefur rifist við bæði liðsfélaga sem og þjálfara Giants í allan vetur og félagið hefur nú fengið nóg.

Það sagði sína sögu er liðsfélagi hans, Landon Collins, sagði að Apple væri krabbamein.