Líklega draugur sem setti stera í þvagprufuna mína

Jeremy Kerley, leikmaður NY Jets, er nýkominn úr fjögurra leikja banni fyrir ólöglega lyfjanotkun og heldur enn fram sakleysi sínu í málinu.

Er hann var dæmdur í bannið sagðist Kerley vera í áfalli. Hann hefði aldrei viljandi neytt stera.

Nú mánuði síðar er hann enn jafn hissa en telur sig jafnvel vera búinn að finna skýringu á því af hverju hann féll á lyfjaprófinu.

„Ég er ekki viss en það er mikið um drauga hérna. Það hefur líklega verið draugur sem setti sterana í þvagprufuna,“ sagði Kerley og einhverjir hafa gert því skóna að hann sé á einhverju öðru en sterum eftir að hafa heyrt þessa útskýringu.