NFL-deildin dæmdi Aqib Talib, leikmann Denver, og Michael Crabtree, leikmann Oakland, í tveggja leikja bann fyrir slagsmálin á sunnudag.
Annað árið í röð lenti þeim saman og að þessu sinni með mun alvarlegri afleiðingum þar sem höggin fengu að dynja á mönnum og fleiri tóku þátt í látunum.
Báðir voru þeir sendir í sturtu fyrir slagsmálin og annar leikmaður Oakland fékk líka sturtuferð fyrir að stjaka við dómara.
Það er ekki algengt að leikmenn í NFL-deildinni fái bönn fyrir eitthvað sem gerist inn á vellinum og þetta er með harðari refsingum sem deildin hefur beitt.
Bæði lið eru ósátt við þennan úrskurð og sérstaklega í ljósi þess að ekkert var aðhafst vegna slagsmála sem urðu í leik fyrir fjórum vikum síðan.
Fengu tveggja leikja bann fyrir slagsmálin

Tengdar fréttir

Sleit gullkeðjuna aftur af Crabtree
Það brutust út mikil slagsmál í leik Oakland Raiders og Denver Broncos í NFL-deildinni í gær. Líkt og í leik liðanna í fyrra byrjuðu lætin hjá Aqib Talib, varnarmanni Denver, og Michael Crabtree, útherja Raiders.