Domino's Körfuboltakvöld: Er pabbi hans bensínbrúsi?

Það getur ýmislegt gerst í beinni útsendingu eins og sannaðist í Domino's Körfuboltakvöldi í gær.

Skemmtilegt atvik átti sér stað þegar strákarnir voru að fara yfir frammistöðu ungs og efnilegs leikmanns Stjörnunnar, Egils Agnars Októssonar, í leiknum gegn Þór Þ.

Föðurnafn stráksins vakti athygli Kristins Friðrikssonar.

„Októsson? Með K-i? Er pabbi hans bensínbrúsi?“ spurði Kristinn við mikla kátínu viðstaddra.

Kjartan Atli Kjartansson og Hermann Hauksson fengu hláturskast og mennirnir á bak við tjöldin voru um tíma óvinnufærir vegna hláturs.

Þetta skemmtilega atvik má sjá í spilaranum hér að ofan.