Domino's Körfuboltakvöld: Dísætur Dupree

Reggie Dupree var stigahæstur hjá Keflavík þegar liðið vann góðan sigur á Haukum, 87-90, í 4. umferð Domino's deildar karla á fimmtudaginn.

Dupree skoraði 29 stig og tók sex fráköst og var með 29 framlagspunkta. Hann var sérstaklega drjúgur á lokakaflanum þar sem hann skoraði mikilvæg körfur.

„Hann er ofboðslega sterkur með boltann. Það er erfitt að stela boltanum af honum. Hann dripplar mjög lágt og er fljótur upp í stökkskot. Svo er hann með sprengikraft sem er erfitt að ráða við,“ sagði Hermann Hauksson um Dupree í Domino's Körfuboltakvöldi.

„Það er Keflavík í honum og þegar hann dettur í stuð er hann hrikalega erfiður,“ sagði Kristinn Friðriksson um Dupree sem er kominn á fulla ferð á ný eftir að hafa verið meiddur í upphafi tímabils.

Innslagið í heild sinni má sjá í spilaranum hér að ofan.