Domino's Körfuboltakvöld: Simbi á loft á Akureyri

Sérfræðingar Domino's Körfuboltakvölds gerðu upp aðra umferðina í Domion's deild karla í gærkvöld.

Þegar þeir fóru yfir frábæran sigur Þórs Akureyri á Keflavík vakti vítaskotatækni Pálma Geirs Jónssonar athygli.

Hann lyfti boltanum upp í loft áður en hann kom sér fyrir og minnti það Stefán Snæ Geirmundsson, klippara þáttarins, á það þegar ljónshvolpinum Simba er lyft til himins í teiknimyndinni alkunnu Konungi ljónanna.

„Ég elska fólk með þetta ímyndunarafl,“ sagði Jón Halldór Eðvaldsson, einn spekinga þáttarins.

Þennan stórskemmtilega samanburð má sjá í spilaranum hér að ofan.