Ísland mætir Póllandi á Evrópumótinu í Helsinki í dag. Það má búast við fullt af Íslendingum í Hartwall höllinni og margir vonast eftir miklu betri úrslitum heldur en á móti Grikkjum í fyrsta leik.
Pavel Ermolinskij viðurkennir alveg fúslega að Póllandsleikurinn sé leikur þar sem strákarnir sjá góðan möguleika á að landa sigri.
„Við höfum við verið að horfa á leikinn á morgun í dálítinn tíma,“ sagði Pavel eftir æfingu liðsins í gær en þeir vissu alltaf að leikurinn við Grikkland yrði liðinu mjög erfiður sem varð raunin.
Pavel lenti oft í því að dekka þunga og stóra Grikki í leiknum á fimmtudaginn og það reyndi því mikið á skrokkinn hans í þessum fyrsta leik.
„Skrokkurinn er ágætur. Þetta eru kannski meiri átök en maður er vanur. Þetta eru fleiri marblettir og slíkt en við erum með frábært sjúkrateymi sem sér um okkur. Það var líka róleg æfing í dag. Ég er hundrað prósent klár á morgun (í dag), sagði Pavel.
Íslendingar munu fjölmenna í stúkuna í Hartwall Arena í dag og það verður mikil upplifun fyrir alla leikmenn liðsins að spila eins og þeir væru á heimavelli. Pavel segir líka að þessi stuðningur geri það að verkum að leikmennirnir hlífi sér ekkert í dag.
„Það myndi ekki skipta máli þótt að ég væri nýbúinn að maraþon því þegar maður kemur inn á völlinn og fólkið mætir þá hverfur þetta. Þá kemur adrenalínið og einhver aukakraftur sem lætur alla verki hverfa,“ sagði Pavel.
Þá kemur adrenalínið og einhver aukakraftur sem láta alla verki hverfa
Tengdar fréttir
Þarf að vera klókari
Grikkir smjöttuðu á mistökum körfuboltastrákanna okkar í 29 stiga sigri í Helsinki í gær. Frábær annar leikhluti kveikti vel í fjölda Íslendinga sem voru mættir í höllina en hinir þrír leikhlutarnir töpuðust samtals 38-79. Einn af þeim sem geta gert miklu betur er Martin Hermannsson sem dró ekki dul á eigin ábyrgð eftir leik.
Vel tekið á móti Tryggva í gær: Ég labbaði inná og þá var fagnað
Tryggvi Snær Hlinason lék sinn fyrsta leik á stórmóti í gær þegar Ísland mætti Grikklandi í fyrsta leik liðsins á Evrópumótinu í Helsinki. Hann fékk frábærar móttökur hjá íslensku áhorfendunum í Höllinni.
Herbergisfélagarnir hlógu saman að því þegar Hlynur var blokkaður
Ein tilþrif úr leik Íslands og Grikklands komust í hóp flottustu tilþrifanna á fyrsta degi Eurobasket og voru þau tilþrif á kostnað landsliðsfyrirliðans Hlyns Bæringssonar.
Jón Arnór um Hauk: Ég veit ekki alveg hvað menn eru að reykja þarna út í heimi
Jón Arnór Stefánsson hrósaði Hauki Helga Pálssyni fyrir frammistöðu sína á móti Grikkjum á Eurobasket í gær en Haukur skoraði 21 stig á eitt sterkasta lið Evrópu.
Hlynur brosti bara eftir móttökurnar frá Thanasis sem enduðu meðal bestu tilþrifa dagsins
FIBA er búið að velja fimm flottustu tilþrifin frá fyrsta deginum á Eurobasket í ár en keppni hófst í riðlinum í Helsinki í Finnlandi og Tel Aviv í Ísrael í gær.
Martin: Ég hef aldrei séð það áður hjá íslensku landsliði
Martin Hermannsson er ekkert hrifnari af keppnisboltanum eftir nóttina. Forráðamenn evrópska körfuboltasambandsins voru nefnilega ekki að gera íslensla körfuboltalandsliðinu neinn greiða þegar þeir völdu keppnisboltann fyrir Eurobasket 2017.
Vantaði að við settum tóninn til að fá áhorfendurna betur með okkur
Jón Arnór Stefánsson og félagar í íslenska körfuboltalandsliðinu urðu að sætta sig við 29 stiga tap á móti Grikkjum í fyrsta leik sínum á Eurobasket 2017.
