Slóvenar unnu Finna 78-81 í lokaleik A-riðils á Evrópumótinu í körfubolta í dag. Með sigrinum fór Slóvenía á topp riðilsins með fjögur stig, eina liðið sem hefur unnið báða leiki sína á mótinu.
Goran Dragic var stigahæstur Slóvena með 29 stig og 4 fráköst. Næstur var Anthony Randolph með 10 stig og 6 fráköst.
Hjá Finnum var Lauri Markkanen atkvæðamestur með 24 stig og 7 fráköst.
Jafnt var eftir fyrsta leikhluta 22-22. Slóvenar náðu svo tíu stiga forskoti fyrir leikhlé, 42-52. Finnar komu til baka og náðu að minnka muninn niður í tvö stig fyrir síðasta leikhlutann. Þeir komust yfir 78-77 þegar 38 sekúndur voru eftir af leiknum, en Dragic fékk tvö vítaskot og kom Slóvenum aftur yfir og Randolph tryggði svo sigur Slóvena.
Slóvenar mörðu sigur á Finnum
Tengdar fréttir
Frakkar lögðu Grikki
Frakkland er komið á blað á EM í körfubolta, en þeir unnu átta stiga sigur á Grikklandi í leik liðanna í Helsinki í dag, 95-87.
Umfjöllun: Ísland – Pólland 61-91 | Strákarnir ískaldir í skotunum og töpuðu stórt
Mjög flott byrjun og frábær stuðningur í stúkunni dugði ekki íslenska körfuboltalandsliðinu á móti Póllandi í öðrum leik sínum á EM í Helsinki. Pólverjar unnu sig inn í leikinn, spiluðu af skynsemi á móti baráttuglöðum íslensku leikmönnum og unnu að lokum 30 stiga sigur, 91-61, eftir mjög sannfærandi seinni hálfleik.
