Draga til baka uppsagnir um 50 flugmanna

Vegna góðrar verkefnastöðu hjá Icelandair næsta vetur hefur félagið dregið til baka uppsagnir u.þ.b. 50 flugmanna. Félagið sagði upp 115 flugmönnum í júní en um 520 flugmenn starfa hjá Icelandair.

 „Þetta má fyrst og fremst rekja til aukinna erlendra leiguverkefna sem félagið hefur unnið að á undanförnum mánuðum í samvinnu við systurfélagið Loftleiðir Icelandic, m.a. á Grænhöfðaeyjum eins og komið hefur fram í fréttum,“ segir Guðjón Arngrímsson upplýsingafulltrúi Icelandair.

Vísar hann í fréttir sem sagðar voru í byrjun mánaðarins um samkomulag Loft­leiða, flugfélagsins TACV Cabo Ver­de Air­lines og rík­is­stjórnar Græn­höfðaeyja, sem statt er í Vest­ur-Afr­íku, gerðu við end­ur­skipu­lagn­ingu flug­fé­lags­ins TACV Cabo Ver­de. Var þá sagt að mark­miðið væri að styrkja alþjóðaflug­völl­inn á eyj­unum og vinna að því að gera eyja­klas­ann að álit­leg­um ferðamannastað allt árið um kring.