Haukar búnir að finna sér Kana

Karlalið Hauka er búið að finna sér Bandaríkjamann fyrir átökin í Domino's deild karla í körfubolta á næsta tímabili.

Sá heitir Roger Woods, 1,96 metra hár framherji sem kemur úr Little Rock Trojans háskólanum í Arkansas í Bandaríkjunum.

Woods útskrifaðist eftir tímabilið 20015-16 og lék svo í Austurríki hluta af síðasta tímabili.

Á frétt á heimasíðu Hauka segir að búist sé við að Woods komi til æfinga um miðjan ágúst.

Haukar ollu miklum vonbrigðum á síðasta tímabili og enduðu í 10. sæti Domino's deildarinnar.