Forráðamenn hafnaboltaliðsins Boston Red Sox hafa beðið Adam Jones, leikmann Baltimore Orioles, afsökunar á hegðun stuðningsmanna Red Sox í hans garð.
Nokkrir einstaklingar gengu allt of langt á dögunum er þeir kölluðu hann negra og köstuðu líka poka af hnetum í hann.
„Félaginu er óglatt yfir því hvernig þetta fólk hagaði sér,“ segir í yfirlýsingu frá Red Sox.
Meira að segja borgarstjóri Boston, Marty Walsh, blandaði sér í málið og sagði að þessi hegðun endurspeglaði ekki hvernig borgin væri.
Jones sagðist áður hafa lent í kynþáttahöturum á Fenway Park, heimavelli Red Sox, en þetta hefði verið það versta sem hann hefði upplifað.
Rasismi hjá Red Sox
