Segja Brad Pitt nær óþekkjanlegan eftir mikið þyngdartap

Stjörnuleikarinn Brad Pitt þykir nær óþekkjanlegur á myndum sem teknar voru af honum í Los Angeles á miðvikudag.

Myndirnar eru teknar um hálfu ári eftir að Angelina Jolie sótti um skilnað eftir um 12 ára ástarsamband leikaranna. Þar af höfðu þau verið gift í tvö ár.

Pitt var myndaður á leið sinni inn í listasafn og þykir mörgum hann hafa horast mikið á síðustu mánuðum. Fötin „hangi hreinlega á honum,“ eins og sjónarvottur lýsir því.

Myndina má sjá hér að neðan.

Sjá einnig: Jolie segir Pitt skíthræddan um að almenningur komist að hinu sanna um ástæður skilnaðarins

Þó lítið sé vitað um hvað leikarinn hefur tekið sér fyrir hendur frá því að fyrstu fregnir bárust af sambandsslitunum eru uppi orðrómar um að hann verji um 15 tímum á dag í höggmyndagerð.

Eitt er þó víst að næst mun honum bregða fyrir í myndinni War Machine sem sýnd verður á Netflix. Meðal meðleikara hans eru Ben Kingsley, Emory Cohen, Tilda Swinton og Anthony Michael Hall.

Hver veit nema þyngdartapið megi einfaldlega rekja til myndarinnar?

Myndina umtöluðu má sjá hér að neðan.

Brad Pitt is noticeably slimmer as he heads to an LA art studio. https://t.co/Ny16Agr91T pic.twitter.com/3mbV7FskuJ

— EntertainmentTonight (@etnow) March 31, 2017