KR og Keflavík verða bæði að vinna í kvöld og þetta er ástæðan

Undanúrslit Domino´s deildar karla í körfubolta halda áfram í kvöld þegar þriðji leikur KR og Keflavíkur fer fram í DHL-höll þeirra KR-inga í Vesturbænum.

Leikurinn hefst klukkan 19.15 og verður í beinni útsendingu á Stöð 2 Sport.  Útsending Körfuboltakvölds hefst klukkan 18.30.

KR vann fyrsta leikinn sannfærandi en Keflvíkingar jöfnuðu metin í síðasta leik eftir endurkomu í seinni hálfleiknum.

Staðan er 1-1 og því þurfa bæði lið tvo sigurleiki til viðbótar til að komast í úrslitaeinvígið. Mikilvægi leiksins í kvöld er hinsvegar gríðarlega mikið ef við skoðum undanfarnar þrjár úrslitakeppnir.

Liðin eru ekki úr leik ef þau tapa í kvöld en örlög þeirra eru samt ráðin ef marka má þróun einvíga í undanförnum úrslitakeppnum.

Frá og með úrslitakeppninni 2014 hefur staðan verið 1-1 í ellefu einvígum. Það lið sem hefur unnið leik þrjú hefur unnið í öll ellefu skiptin.



Sigurvegarar í leik þrjú í stöðunni 1-1

Úrslitakeppnin 2017

- 8 liða úrslit -

Grindavík vann Þór Þorl. 100-92 á heimavelli í leik 3 (Grindavík vann 3-2)

Úrslitakeppnin 2016

- Undanúrslit -

Haukar unnu Tindastól 89-81 á heimavelli í leik 3 (Haukar unnu 3-1)

KR vann Njarðvík 72-54 á heimavelli í leik 3 (KR vann 3-2)

- 8 liða úrslit -

Njarðvík vann Stjörnuna 73-68 á útivelli í leik 3 (Njarðvík vann 3-2)

Haukar unnu Þór Þorl. 84-75 á heimavelli í leik 3 (Haukar unnu 3-1)

Úrslitakeppnin 2015

- Lokaúrslit -

KR vann Tindastól 104-91 á heimavelli í leik 3 (KR vann 3-1)

- Undanúrslit -

KR vann Njarðvík 83-75 á heimavelli í leik 3 (KR vann 3-2)

- 8 liða úrslit -

Njarðvík vann Stjörnuna 92-86 á heimavelli í leik 3 (Njarðvík vann 3-2)

Úrslitakeppnin 2014

- Lokaúrslit -

KR vann Grindavík 87-58 á heimavelli í leik 3 (KR vann 3-1)

- Undanúrslit -

Grindavík vann Njarðvík 89-73 á heimavelli í leik 3 (Grindavík vann 3-2)

- 8 liða úrslit -

Grindavík vann Þór Þorl. 87-67 á heimavelli í leik 3 (Grindavík vann 3-1)