Bein útsending: Áhrif Brexit á EES-samninginn

Lagadeild Háskólans í Reykjavík býður til hádegisfyrirlestrar í dag um áhrif Brexit á EES-samninginn. Fyrirlesturinn verður í beinni útsendingu og má fylgjast með streymi frá honum hér að neðan en hann hefst klukkan 12:10.

Dóra Sif Tynes LLM, héraðsdómslögmaður og eigandi hjá ADVEL lögmönnum mun flytja fyrirlesturinn: Tækifæri eða áskorun? Áhrif Brexit á EES-samninginn.

Breska ríkisstjórnin hefur nú birt hvítbók um samningsmarkmið komandi samningaviðræðna um úrsögn Bretlands úr Evrópusambandinu. Í hvítbókinni kemur skýrt fram ætlun ríkisstjórnar Bretlands til að draga sig út úr innri markaðnum og þar með Evrópska efnahagssvæðinu. Í fyrirlestrinum verður farið yfir helstu atriði hvítbókarinnar og velt upp spurningum um hvaða áhrif samningaviðræðurnar kunna að hafa á EES-samninginn og stöðu EFTA ríkjanna gagnvart bæði Bretlandi og Evrópusambandinu.

Fundarstjóri verður Dr. Gunnar Þór Pétursson, prófessor við lagadeild HR.