Þrátt fyrir að vera á toppnum í Domino's deild karla hefur KR oft lent í kröppum dansi í vetur og átt í erfiðleikum með að klára leiki, nú síðast gegn Keflavík.
Svali Björgvinsson vakti máls á þessu í Svalahorninu svokallaða í Domino's Körfuboltakvöldi.
„Núna verð ég einfaldlega að tala um KR. Ég er hissa, ég er óánægður, ég er ósáttur með hvernig KR er að leysa þessar lokamínútur,“ sagði Svali.
„Lið með þessi gæði, þennan styrk og svona marga landsliðsmenn, alvöru menn og toppmenn verða að gera þetta betur. Það verður fróðlegt að sjá hvernig Finnur [Freyr Stefánsson, þjálfari KR] og félagar ætla að leysa þetta því ef þeir breyta þessu ekki verður úrslitakeppnin ekki eins auðveld og þeir ætluðu sér.“
Strákarnir í Körfuboltakvöldi ræddu einnig um þessa tilhneigingu KR-inga til að gefa eftir á lokamínútunum.
Innslagið í heild sinni má sjá í spilaranum hér að ofan.
Er drápseðlið í Vesturbænum dáið?
Tengdar fréttir

Fannar mætti of seint úr skíðaferð og skammaði sem aldrei fyrr | Myndbönd
Eftir að hafa verið lítill í sér í síðasta þætti af Domino's Körfuboltakvöldi átti Fannar Ólafsson stórleik í þætti gærkvöldsins.

Brynjar Þór: Ég var ekki að fara að berja hann
Brynjar Þór Björnsson lenti í smá átökum við Keflvíkinginn Guðmund Jónsson í leiknum í kvöld.

Umfjöllun, viðtöl og myndir: KR - Keflavík 82-80 | Meistararnir sluppu með skrekkinn
Íslandsmeistarar KR halda toppsætinu í Domino´s-deild karla eftir sigur á Keflavík.

Sjáið flautukörfurnar hjá Brynjari og Herði Axel í kvöld | Myndband
KR vann tveggja stiga sigur á Keflavík í hörkuleik í DHL-höllinni í Domino´s deild karla í kvöld en Keflvíkingar voru næstum því búnir að stela sigrinum í lokin.