Könnun: Hvaða lið vinnur Super Bowl?

Eftir rúmlega klukkustund hefst leikur New England Patriots og Atlanto Falcons að hefjast á NRG-vellinum í Houston.

Um er að ræða úrslitaleikinn í NFL-deildinni, leikurinn um Ofurskálina eða Super Bowl.

New England Patriots er með Tom Brady innanborðs og er hann einn allra besti leikmaðurinn í sögu NFL-deildarinnar.

Atlanta Falcons hefur aftur á móti verið með eina bestu sóknina á tímabilinu og má búast við spennandi leik.

Falcons hefur skorað flest stig af öllum liðum en Patriots er aftur á móti með bestu vörnina.

Upphitun fyrir leikinn hefst klukkan 22:30 á Stöð 2 Sport og stendur hún yfir í klukkustund. Endilega komið með ástæðuna fyrir ykkar svari í athugasemdarkerfinu hér að neðan.