Benedikt um næstu skref: Menn ættu að fara yfir málin í rólegheitum Kolbeinn Tumi Daðason skrifar 12. desember 2016 16:51 Benedikt Jóhannesson, formaður Viðreisnar. Vísir/Ernir Spjótin beinast að Vinstri grænum eftir að viðræðum fimm flokka lauk á þriðja tímanum í dag án þess að samkomulag næðist. Benedikt Jóhannesson, formaður Viðreisnar, vill ekki ganga svo langt að kenna Vinstri grænum um hvernig fór. Flokkkurinn sé einfaldlega með sína stefnu og hún séu öðruvísi en stefna annarra. Benedikt segir í samtali við Vísi að styttra hafi verið á milli Pírata, Bjartrar framtíðar, Viðreisnar og Samfylkingar en á milli fyrrnefndra flokka og Vinstri grænna. Hann ítrekar þó að hann sé ekki að saka VG um neitt. Þá hafi hann ekki hugmynd um hver næstu skref verði. Birgitta Jónsdóttir skilar stjórnarmyndunarumboði Pírata til forseta Íslands klukkan 17 í dag. Bein útsending verður frá Bessastöðum á Vísi.Ánægður með viðræðurnar Óvíst er hvað Guðni Th. Jóhannesson geri í framhaldinu. Hvort næsti flokkur fái umboð eða hvort hreinlega verði boðað til kosninga. Haldi Guðni sig við úrslit kosninga ættu Framsóknarmenn næst að fá umboð til myndun stjórnar. Næst kæmi Viðreisn. „Mér finnst eiginlega hvorugt. Mér finnst að menn eigi að fara yfir þetta í rólegheitum,“ segir Benedikt sem er ánægður með viðræðurnar þrátt fyrir allt. „Menn fóru mjög vandlega yfir málin og ég held að það þurfi ekki að vera vafi um það hvar flokkarnir náðu ekki saman.“ Allir flokkarnir hafi verið sammála um að forgangsraða í þágu mennta- og heilbrigðismála. Flokkarnir fjórir hafi verið með stærðargráðuna sjö milljarða eyrnamerkta málaflokkunum á meðan VG telji 27 milljarða þurfa til að sögn Benedikts. VG telur brýnt að gerðar verði breytingar í þágu nauðsynlegra umbóta í heilbrigðismálum, menntamálum, velferðarmálum og uppbyggingu innviða til að svara ákalli úr samfélaginu. Til þess þurfi á þriðja tug milljarða.Baldur Þórhallsson stjórnmálafræðiprófessor ræddi um stöðu mála í Reykjavík Síðdegis í dag. Var þeirri spurningu velt upp hvort Framsóknarflokkurinn ætti að fá umboð til stjórnarmyndunar. Fjarri áherslum annarra flokka Í tilkynningu frá Viðreisn segir að áherslur VG í ríkisfjármálum, sjávarútvegsmálum og landbúnaðarmálum hafi staðið fjarri áherslum hinna flokkanna. Benedikt segir jákvætt að allir flokkar virðist sammála um mikilvægi þess að ríkið fari ekki fram úr sér á tímum þar sem þenslumerki séu víða, ekki bara hjá flokkunum fimm heldur öllum sjö. „Menn átta sig á því að staðan í þjóðfélaginu er þannig að það væri ekki gott ef ríkið ýtti ekki undir spennu í þjóðfélaginu, næg er hún samt.“ Tilkynninguna frá Viðreisn má sjá í heild hér að neðan „Undanfarna níu daga hefur þingflokkurinn átt í viðræðum við Bjarta Framtíð, Pírata, Samfylkingu og Vinstri grænt framboð um stjórnarmyndun, undir forystu Birgittu Jónsdóttur. Samtalið var gagnlegt og sýndi fram á að raunverulegur vilji til umbóta á Íslensku samfélagi er til staðar hjá öllum flokkunum. Því miður náðist þó ekki samstaða um mikilvæg efnisatriði. Einkum voru það áherslur VG í ríkisfjármálum, sjávarútvegsmálum og landbúnaðarmálum sem stóðu fjarri áherslum hinna flokkanna. Sérstök ástæða er til að hrósa Birgittu Jónsdóttur og samstarfsfólki hennar í Pírötum fyrir vandaða verkstjórn í viðræðunum.“Uppfært: Í fyrri útgáfu fréttarinnar kom fram að Viðreisn hefði fengið meira fylgi en Framsókn í kosningunum. Hið rétta er að Framsókn fékk átta þingmenn kjörna en Viðreisn sjö. Alþingi Kosningar 2016 Mest lesið Kona réðst á pizzusendil sem vildi fá símann sinn aftur Innlent Inga Sæland hellti sér yfir Sigríði Andersen Innlent Rússar segja Selenskí aumkunarverðan trúð Erlent Ófremdarsástand og íbúum haldið í heljargreipum Innlent Borgin rukkar hestamenn og þeir hætta við reiðina Innlent Telur líkur á að starfslok Úlfars tengist útlendingapólitík Innlent Hvorki Pútín né Trump ætla á fund Selenskí Erlent Hestamenn láta tæpa hálfa milljón stöðva sig Innlent Sváfu úti á palli með barnið en fá húsið ekki bætt Innlent Alþjóðaglæpadómstóllinn lamaður vegna þvingana Bandaríkjanna Erlent Fleiri fréttir „Algjört þjófstart á sumrinu“ Úlfari var boðin staða lögreglustjóra á Austurlandi Yfirmaður herafla NATO á Íslandi Hestamenn láta tæpa hálfa milljón stöðva sig Inga Sæland hellti sér yfir Sigríði Andersen Lögreglustjórafélagið fjallar um starfslok Úlfars Enn þjarmað að Flokki fólksins vegna styrkjamálsins Hægir verulega á fjölgun erlendra ríkisborgara Borgin rukkar hestamenn og þeir hætta við reiðina Kaupa frekar gervigreindartónlist í þætti en frumsamið efni Laupur stelur senunni í Árbæjarlaug Bein útsending: Ísland og Norðurslóðir í nýjum heimi – Ógnir og öryggi, áskoranir og tækifæri Kona réðst á pizzusendil sem vildi fá símann sinn aftur Enn einn skjálftinn austan við Grímsey Vara við bikblæðingum á Bröttubrekku Flugleiðir á barmi gjaldþrots gátu ekki haldið Cargolux Verðhækkanir varpa skugga á grillsumarið mikla Isavia fær áheyrn um hvort reka hafi mátt mann vegna aldurs Laupur vekur mikla athygli sundlaugagesta í Árbæjarlaug Fórnuðu gömlu húsi fyrir slökkviliðsæfingu Telur líkur á að starfslok Úlfars tengist útlendingapólitík Ófremdarsástand og íbúum haldið í heljargreipum Leitar stolins bíls: „Eins og hann sé bara á rúntinum“ Sváfu úti á palli með barnið en fá húsið ekki bætt Ófremdarástand á Hverfisgötu og verðhækkanir á grillmat „Hann breytir börnunum okkar í nikótínþræla“ Þingmenn vilja vita meira um hvers vegna Úlfar hætti störfum Ferðamannarúta kyrrsett í aðgerðum lögreglu Bíll fullur af bensínbrúsum lekur Fjórtán hvíldartímabrot á 28 dögum Sjá meira
Spjótin beinast að Vinstri grænum eftir að viðræðum fimm flokka lauk á þriðja tímanum í dag án þess að samkomulag næðist. Benedikt Jóhannesson, formaður Viðreisnar, vill ekki ganga svo langt að kenna Vinstri grænum um hvernig fór. Flokkkurinn sé einfaldlega með sína stefnu og hún séu öðruvísi en stefna annarra. Benedikt segir í samtali við Vísi að styttra hafi verið á milli Pírata, Bjartrar framtíðar, Viðreisnar og Samfylkingar en á milli fyrrnefndra flokka og Vinstri grænna. Hann ítrekar þó að hann sé ekki að saka VG um neitt. Þá hafi hann ekki hugmynd um hver næstu skref verði. Birgitta Jónsdóttir skilar stjórnarmyndunarumboði Pírata til forseta Íslands klukkan 17 í dag. Bein útsending verður frá Bessastöðum á Vísi.Ánægður með viðræðurnar Óvíst er hvað Guðni Th. Jóhannesson geri í framhaldinu. Hvort næsti flokkur fái umboð eða hvort hreinlega verði boðað til kosninga. Haldi Guðni sig við úrslit kosninga ættu Framsóknarmenn næst að fá umboð til myndun stjórnar. Næst kæmi Viðreisn. „Mér finnst eiginlega hvorugt. Mér finnst að menn eigi að fara yfir þetta í rólegheitum,“ segir Benedikt sem er ánægður með viðræðurnar þrátt fyrir allt. „Menn fóru mjög vandlega yfir málin og ég held að það þurfi ekki að vera vafi um það hvar flokkarnir náðu ekki saman.“ Allir flokkarnir hafi verið sammála um að forgangsraða í þágu mennta- og heilbrigðismála. Flokkarnir fjórir hafi verið með stærðargráðuna sjö milljarða eyrnamerkta málaflokkunum á meðan VG telji 27 milljarða þurfa til að sögn Benedikts. VG telur brýnt að gerðar verði breytingar í þágu nauðsynlegra umbóta í heilbrigðismálum, menntamálum, velferðarmálum og uppbyggingu innviða til að svara ákalli úr samfélaginu. Til þess þurfi á þriðja tug milljarða.Baldur Þórhallsson stjórnmálafræðiprófessor ræddi um stöðu mála í Reykjavík Síðdegis í dag. Var þeirri spurningu velt upp hvort Framsóknarflokkurinn ætti að fá umboð til stjórnarmyndunar. Fjarri áherslum annarra flokka Í tilkynningu frá Viðreisn segir að áherslur VG í ríkisfjármálum, sjávarútvegsmálum og landbúnaðarmálum hafi staðið fjarri áherslum hinna flokkanna. Benedikt segir jákvætt að allir flokkar virðist sammála um mikilvægi þess að ríkið fari ekki fram úr sér á tímum þar sem þenslumerki séu víða, ekki bara hjá flokkunum fimm heldur öllum sjö. „Menn átta sig á því að staðan í þjóðfélaginu er þannig að það væri ekki gott ef ríkið ýtti ekki undir spennu í þjóðfélaginu, næg er hún samt.“ Tilkynninguna frá Viðreisn má sjá í heild hér að neðan „Undanfarna níu daga hefur þingflokkurinn átt í viðræðum við Bjarta Framtíð, Pírata, Samfylkingu og Vinstri grænt framboð um stjórnarmyndun, undir forystu Birgittu Jónsdóttur. Samtalið var gagnlegt og sýndi fram á að raunverulegur vilji til umbóta á Íslensku samfélagi er til staðar hjá öllum flokkunum. Því miður náðist þó ekki samstaða um mikilvæg efnisatriði. Einkum voru það áherslur VG í ríkisfjármálum, sjávarútvegsmálum og landbúnaðarmálum sem stóðu fjarri áherslum hinna flokkanna. Sérstök ástæða er til að hrósa Birgittu Jónsdóttur og samstarfsfólki hennar í Pírötum fyrir vandaða verkstjórn í viðræðunum.“Uppfært: Í fyrri útgáfu fréttarinnar kom fram að Viðreisn hefði fengið meira fylgi en Framsókn í kosningunum. Hið rétta er að Framsókn fékk átta þingmenn kjörna en Viðreisn sjö.
Alþingi Kosningar 2016 Mest lesið Kona réðst á pizzusendil sem vildi fá símann sinn aftur Innlent Inga Sæland hellti sér yfir Sigríði Andersen Innlent Rússar segja Selenskí aumkunarverðan trúð Erlent Ófremdarsástand og íbúum haldið í heljargreipum Innlent Borgin rukkar hestamenn og þeir hætta við reiðina Innlent Telur líkur á að starfslok Úlfars tengist útlendingapólitík Innlent Hvorki Pútín né Trump ætla á fund Selenskí Erlent Hestamenn láta tæpa hálfa milljón stöðva sig Innlent Sváfu úti á palli með barnið en fá húsið ekki bætt Innlent Alþjóðaglæpadómstóllinn lamaður vegna þvingana Bandaríkjanna Erlent Fleiri fréttir „Algjört þjófstart á sumrinu“ Úlfari var boðin staða lögreglustjóra á Austurlandi Yfirmaður herafla NATO á Íslandi Hestamenn láta tæpa hálfa milljón stöðva sig Inga Sæland hellti sér yfir Sigríði Andersen Lögreglustjórafélagið fjallar um starfslok Úlfars Enn þjarmað að Flokki fólksins vegna styrkjamálsins Hægir verulega á fjölgun erlendra ríkisborgara Borgin rukkar hestamenn og þeir hætta við reiðina Kaupa frekar gervigreindartónlist í þætti en frumsamið efni Laupur stelur senunni í Árbæjarlaug Bein útsending: Ísland og Norðurslóðir í nýjum heimi – Ógnir og öryggi, áskoranir og tækifæri Kona réðst á pizzusendil sem vildi fá símann sinn aftur Enn einn skjálftinn austan við Grímsey Vara við bikblæðingum á Bröttubrekku Flugleiðir á barmi gjaldþrots gátu ekki haldið Cargolux Verðhækkanir varpa skugga á grillsumarið mikla Isavia fær áheyrn um hvort reka hafi mátt mann vegna aldurs Laupur vekur mikla athygli sundlaugagesta í Árbæjarlaug Fórnuðu gömlu húsi fyrir slökkviliðsæfingu Telur líkur á að starfslok Úlfars tengist útlendingapólitík Ófremdarsástand og íbúum haldið í heljargreipum Leitar stolins bíls: „Eins og hann sé bara á rúntinum“ Sváfu úti á palli með barnið en fá húsið ekki bætt Ófremdarástand á Hverfisgötu og verðhækkanir á grillmat „Hann breytir börnunum okkar í nikótínþræla“ Þingmenn vilja vita meira um hvers vegna Úlfar hætti störfum Ferðamannarúta kyrrsett í aðgerðum lögreglu Bíll fullur af bensínbrúsum lekur Fjórtán hvíldartímabrot á 28 dögum Sjá meira