Justin Bieber hélt fallega ræðu, þakkaði guði og söng síðan Purpose - Myndband

„Að vera á tónleikaferðalagi getur verið erfitt en það er líka eitthvað það mest gefandi í lífinu,“ sagði tilfinningaríkur Justin Bieber í Kórnum í gær áður en hann tók lagið Purpose.

Bieber hélt tónleika í Kópavoginum í gær og mættu mörg þúsund Íslendingar á þá. Eitt fallegasta augnablikið á tónleikunum og eitt það besta var þegar hann tók lagið Purpose.

„Mig langar að þakka fyrir þá ást og umhyggju sem ég finn fyrir frá öllum. Ég veit fyrir víst að ég væri ekki hér nema með aðstoð frá gaurnum uppi á himnum. Við höfum öll einhverja hæfileika en það skiptir máli hvað maður gerir við þá.“

Hér að ofan má sjá myndband sem tónleikagestur sendi Lífinu ef flutningi Bieber.