Innlent

Haraldur hættur á þingi og gerist bóndi

Kolbeinn Tumi Daðason skrifar
Haraldur Einarsson er farinn í búskap.
Haraldur Einarsson er farinn í búskap.
Haraldur Einarsson, þingmaður Framsóknarflokksins, hefur ákveðið að bjóða sig ekki fram til Alþingis í komandi kosningum. Ástæðan er áfangaskipti í lífi Haraldar eins og hann greinir frá í tilkynningu til fjölmiðla. Hann ætlar að gerast bóndi ásamt konu sinni.

 „Ég í samráði við mína allra nánustu, hef ákveðið að bjóða mig ekki fram til Alþingis í komandi kosningum. Ástæðan er að ég og nýbakaða eiginkona mín, Birna Harðardóttir, höfum ákveðið að skipta um áfanga í lífinu. Eftir kosningar munum við flytjast ásamt börnum okkar tveim til foreldra minna í sveitina á Urriðafossi. Þar hyggjumst við gerast bændur og fara inn í búskap með foreldrum mínum.“

 Haraldur segist þakklátur og stoltur fyrir þann tíma sem hann hefur fengið að vinna fyrir land og þjóð.

 „Ég er stoltur af verkum ríkisstjórnarinnar undir forystu Framsóknarflokksins og það er ekki allt sem sýnist inni á Alþingi. Hvet að lokum alla þá, sem vilja leggja sitt af mörkum til að gera þjóðfélagið okkar betra og sanngjarnara að bjóða sig til starfa á löggjarfarsamkomunni.“

Mest lesið


Fleiri fréttir

Sjá meira


×

Mest lesið