Enn bætir Tindastóll við sig

Tindastóll hefur styrkt sig enn frekar fyrir næstu leiktíð en liðið samdi í dag við Björgvin Hafþór Ríkharðsson sem lék með ÍR-ingum í vetur. Þetta kemur fram á Feyki.is í kvöld.

Björgvin skrifaði undir tveggja ára samning við Stólana sem gengu í gær frá samningi við hinn breska Chris Caird. Þá er ljóst að Jou Costa verður áfram þjálfari Stólanna.

Óljóst er hvað Darrel Lewis gerir en hann ætlar að spila áfram í eitt tímabil í viðbót. Þá hafa verið sögusagnir um að Tindastóll sé að missa nokkra af ungu leikmönnum sínum í höfuðborgina en það er stefna Stólanna að halda öllum sínum bestu leikmönnum.

Björgvin Hafþór er uppalinn í Fjölni og var í lykilhlutverki hjá ÍR í vetur.