Costa áfram á Króknum

José Costa verður áfram þjálfari Tindastóls í Domino's deild karla. Þetta staðfesti Stefán Jónsson, formaður Körfuknattleiksdeildar Tindastóls, í samtali við Karfan.is í kvöld.

Costa tók við Stólunum eftir sex umferðir eftir að Finninn Pietti Poikola var látinn taka pokann sinn.

Eftir misjafnt gengi í fyrstu unnu Stólarnir sjö síðustu leiki sína í Domino's deildinni og slógu Keflavík úr leik, 3-1, í fyrstu umferð úrslitakeppninnar.

Í undanúrslitunum mættu þeir Haukum en féllu úr leik, 3-1, eftir tap í fjórða leiknum á Króknum á þriðjudaginn.

Costa stýrði Stólunum í 24 leikjum í vetur en 15 þeirra unnust og níu töpuðust.