Munaði bara einni körfu á stigahæstu leikmönnum deildarinnar

Mikil barátta var um það hver endaði sem stigahæsti leikmaður Domino´s deildar karla í körfubolta og á endanum vannst stigakóngstitilinn á einni körfu og það ekki einu sinni þriggja stiga körfu.

Sherrod Nigel Wright úr Snæfelli varð stigahæstur með 623 stig í 22 leikjum eða 28,32 stig í leik. Hann spilaði meiddur í lokaleiknum en tókst samt að skora 29 stig.

Hvert einasta stig skipti máli því Hattarmaðurinn Tobin Carberry skoraði aðeins tveimur stigum minna eða 621 stig í 22 leikjum sem gera 28,23 stig í leik.

Tobin Carberry skoraði líka 29 stig í síðasta leiknum sínum. Carberry skoraði 12 stig í lokaleikhlutanum á Ásvöllum en það dugði ekki til og hann verður að sætta stig við annað sætið.

Tobin Carberry var sérstaklega öflugur eftir áramót en hann skoraði 32,3 stig að meðaltali í seinni umferðinni ásamt því að gefa 6,0 stoðsendingar í leik. Hann var með 24,2 stig og 3,9 stoðsendingar í leik í fyrri umferðinni. Sherrod Nigel Wright skoraði líka meira í seinni umferðinni (30,1) en í fyrri umferðinni (26,5).

Fjórir stigahæstu leikmenn deildarinnar komu annars úr fjórum neðstu liðum deildarinnar og sá í fimmta sæti var látinn fara eftir fimmtán leiki.

Sá stigahæsti af þeim sem eru ekki komnir í sumarfrí nú þegar úrslitakeppnin er að hefjast er Vance Michael Hall hjá Þór úr Þorlákshöfn en 23,9 stig hans í leik dugðu honum í sjötta sætið.

Darrel Keith Lewis hjá Tindastól var stigahæsti íslenski leikmaðurinn með 20,7 stig (9. sæti) en af þeim sem eru fæddir og uppaldir á Íslandi skoraði Njarðvíkingurinn Haukur Helgi Pálsson mest eða 18,4 stig í leik.

Flest stig í leik í Domino´s deild karla í körfubolta 2015-16:

1. Sherrod Nigel Wright, Snæfell     22/623     28.32

2. Tobin Carberry, Höttur         22/621     28.23

3. Christopher Woods, FSu         15/416     27.73

4. Jonathan Mitchell, ÍR         14/369     26.36

5. Earl Brown Jr., Keflavík         15/381     25.40

6. Vance Michael Hall, Þór Þ.         22/525     23.86

7. Michael Craion, KR             22/507     23.05

8. Al'lonzo Coleman, Stjarnan         22/456     20.73

9. Darrel Keith Lewis, Tindastóll     22/455     20.68

10. Cristopher Caird, FSu         15/291     19.40

11. Justin Shouse, Stjarnan         21/399     19.00

12. Jerome Hill, Tindastóll og Keflavík    20/374     18.70

13. Haukur Helgi Pálsson, Njarðvík     16/295     18.44

14. Kári Jónsson, Haukar         22/381     17.32

15. Jón Axel Guðmundsson, Grindavík     22/370     16.82

16. Austin Magnus Bracey, Snæfell     22/358     16.27

17. Logi Gunnarsson, Njarðvík         19/284     14.95

18. Sigurður Á. Þorvaldsson, Snæfell     21/307     14.62

19. Mirko Stefán Virijevic, Höttur     22/314     14.27

20. Oddur Rúnar Kristjánsson, Njarðvík og ÍR     22/313     14.23