Samningamenn Félags vélstjóra og málmtæknimanna og Félags skipstjórnarmanna hjá Eimskip og Samskip og fulltrúar Samtaka atvinnulífsins, fyrir hönd skipafélaganna undirrituðu kjarasamning hjá ríkissáttasemjara á þriðja tímanum í nótt, en verkfall þessara félaga hófst á miðnætti.
Verkfallinu var strax frestað til 12. febrúar þegar búið verður að bera samninginn undir atkvæði félagsmanna. Samningurinn var unninn á grunni SALEK-samkomulagsins.
