Það besta úr Fannar skammar: "Ég ætla að hringja í hann á eftir"

Fannar Ólafsson hefur farið á kostum í Körfuboltakvöld þáttunum sem fara fram eftir hverja umferð í Dominos-deild karla. Liðurinn Fannar skammar hefur notið mikilla vinsælda.

Liðurinn snýst um það að Fannar tekur nokkra leikmenn fyrir í hverjum þætti og skammar þá duglega. Þetta er þó flest allt gert á skemmtilegum nótum, en oftar en ekki eru þetta troðslur sem eru að klikka hjá leikmönnum.

Dominos-deildirnar er í jólafríi þessar vikurnar og því hefur Garðar Örn Arnarson, pródúsent þáttanna, tekið það besta úr þáttunum sem fóru fram fyrir áramót og sett saman í eina klippu sem má sjá í sjónvarpsglugganum hér efst í fréttinni.

Sjón er sögu ríkari.