Skaftárhlaupið sem nú er í rénum er það langstærsta sem mælingar ná til frá 1955. Skemmdir á grónu landi eru miklar og óttast er að bændur hafi orðið fyrir miklu tjóni. Mannvirki hafa þar að auki orðið fyrir skemmdum. Þó dregið hafi úr rennsli hlaupsins er það enn gífurlega kraftmikið.
Ekki hefur þurft að loka þjóðveginum þó vatn flæði víða enn beggja vegna við hann. Þó er óttast að brúin yfir Eldvatn við Ása geti farið í hlaupinu í Skaftá. Meðfylgjandi myndir tók Egill Aðalsteinss, tökumaður Stöðvar 2 í gær.
