Tollur á frostpinna verndar Kjörís og Emmess Óli Kristján Ármannsson skrifar 17. september 2015 09:00 Ásgeir Baldursson, eigandi og framkvæmdastjóri Ísbílsins, með innlendan og útlendan ís í hendinni. vísir/daníel Vandséð er af hverju frostpinnar ættu að bera toll fremur en sælgæti, segir Ásgeir Baldursson, eigandi og framkvæmdastjóri Ísbílsins. „Það eru bara Emmess og Kjörís sem njóta verndar af tolli sem leggst á vatn með bragðefni.“ Í frumvarpi til fjárlaga næsta árs er gert ráð fyrir afnámi tolla á föt og skó, en þar fylgir með ein breyting sem snýr að matvælum, niðurfelling tolls af nokkrum tegundum af mjólkurlausum ís. Í skýringum með frumvarpinu kemur fram að með því eigi að rétta hlut fólks með mjólkurofnæmi eða -óþol. Breytingar hafi verið gerðar á lögum í fyrra og athugasemdir borist vegna þess að þær náðu ekki til mjólkurlauss íss. Talin eru upp innihaldsefni sem breytingin nær yfir, svo sem sojabaunir, hrísgrjón, hafrar, hnetur og/eða möndlur. „Það er dálítið sérkennileg árátta hjá íslenskum löggjafa að telja upp öll atriði sem lögin geta átt við, fremur en að orða lögin með almennari hætti,“ segir Ásgeir og hefði talið eðlilegra að orða breytinguna þannig að hún næði yfir „allan ís sem ekki er framleiddur úr mjólkurvörum“. Útundan í upptalningu frumvarpsins er til dæmis ís sem framleiddur er úr kókos, sem og ís úr ávaxtaþykkni. Hann geri hins vegar ráð fyrir því að „vegan“ ís sem Ísbíllinn hafi flutt inn lækki umtalsvert í verði og hætti að vera dýrari en hefðbundinn ís, enda beri þessar vörur 30 prósenta toll, auk þess sem á þær leggist 110 króna verðtollur á hvert kíló/lítra. „En ég geri ráð fyrir að tollskýrslan verði talsvert flóknari ef sumt er undanþegið tolli,“ bætir hann við. Skrítnast finnist honum samt að ís sem að uppistöðu sé ávaxtamauk, önnur tegund af „vegan“ ís sem Ísbíllinn hafi boðið upp á, verði með fullum tollum áfram. Annars segist Ásgeir ekki hafa miklar áhyggjur af þessum tollamálum. „Það er erfitt að hafa skoðun á þessum tolla- og skattabreytingum sem eru orðnar eitthvað yfir tvö hundruð frá hruni. Maður vinnur bara með það umhverfi sem er og telji stjórnvöld nauðsynlegt að styðja svona við innlenda framleiðslu þá mega þessir herrar víst gera það.“Ólafur Stephensen, framkvæmdastjóri Félags atvinnurekenda.Vísir/VGTollheimta sem ekkert verndar Um leið og Félag atvinnurekenda fagna því að fjármálaráðherra hafi lagt til við Alþingi að felldir verði niður tollar af nokkrum tegundum af mjólkurlausum ís, harmar Ólafur Stephensen, framkvæmdastjóri samtakanna, að ekki skuli gengið enn lengra. Bæði sé listi innihaldsefna ekki tæmandi og áfram gert ráð fyrir að tollar leggist af fullum þunga á ís sem inniheldur enga mjólk eða mjólkurlíki af neinu tagi, heldur sé búinn til úr vatni, sykri, litarefnum og bragðefnum, svo sem frostpinnar og sorbet af ýmsu tagi. „Sú tollheimta verndar nákvæmlega ekki neitt og því er algerlega fráleitt að íslenskir neytendur séu að borga verndartolla af vatni, litarefnum og bragðefnum sem eiga ekkert skylt við íslenskan landbúnað,“ segir hann.Með breytingunni örli engu að síður á viðurkenningu stjórnvalda á því að ekki eigi að leggja verndartolla á matvöru sem ekki eigi sér samsvörun í innlendri búvöruframleiðslu og því beri að fagna. Frostpinnatollur sé þó klárlega verndartollur fyrir innlendan iðnað frekar en innlendan landbúnað. Alþingi Fjárlagafrumvarp 2016 Mest lesið Sambýliskonan sem sá allt og bróðirinn sem þekkti ekki fjölskylduna Innlent Bandaríska sendiráðið elur á ótta við hælisleitendur og útlendinga Innlent Hagsmunir barnanna hafi ekki áhrif á afstöðuna til veiðigjalda Innlent Sakfelldur en ekki gerð refsing fyrir að bana móður sinni Innlent Skellt upp úr í þingsal þegar ráðherra reyndi að mynda hjarta Innlent Segir mögulegt að hundurinn sé á lífi Innlent Veiðigjaldið aftur í nefnd og viðræður komnar á lokametra Innlent Rúv vildi Ísraelsmenn burt en þeir sluppu með skrekkinn í bili Innlent Sósíalistum bolað úr Bolholti Innlent Samfylking tekur aftur fram úr Sjálfstæðisflokki Innlent Fleiri fréttir Sósíalistum bolað úr Bolholti Sýknaður af kæru Samtakanna 78 um hatursorðræðu Lokametrar, bútasaumur og Starbucks Veiðigjaldið aftur í nefnd og viðræður komnar á lokametra Lára snýr sér að kynningarstörfum fyrir HR Bætti þúsund tonnum í strandveiðipottinn Skellt upp úr í þingsal þegar ráðherra reyndi að mynda hjarta Rúv vildi Ísraelsmenn burt en þeir sluppu með skrekkinn í bili Lögðu hald á mikið magn fíkniefna og fleiri milljónir Eiríkur, Eyvindur og Þorbjörg sækjast eftir dómaraskikkjunni Samfylking tekur aftur fram úr Sjálfstæðisflokki Skoða málið en hafa ekki tekið endanlega ákvörðun um aðgerðir Stór ferðahelgi framundan og bæjarhátíðir víða um land Skjálfti að stærð 3,6 í Bárðarbungu Þingmenn upplitsdjarfir Öðrum þeirra handteknu sleppt úr haldi Þokast í samkomulagsátt á þingi Sakfelldur en ekki gerð refsing fyrir að bana móður sinni Tveir handteknir eftir húsleit í Laugardal og Kópavogi Bandaríska sendiráðið elur á ótta við hælisleitendur og útlendinga Vonast til að samkomulag náist innan skamms, vonandi í dag Sambýliskonan sem sá allt og bróðirinn sem þekkti ekki fjölskylduna Engar fréttir af þinglokum en veiðigjöldin ekki á dagskrá í dag Hagsmunir barnanna hafi ekki áhrif á afstöðuna til veiðigjalda Fjöldi ökumanna stöðvaður í umferðinni Þingflokksformenn semja inn í nóttina Krefjast bóta á umferðaröryggi í kjölfar alvarlegs slyss sjö ára drengs Vill palestínska fánann niður við ráðhúsið Segir mögulegt að hundurinn sé á lífi Minnihluti verði að sætta sig við að hann sé ekki við völd Sjá meira
Vandséð er af hverju frostpinnar ættu að bera toll fremur en sælgæti, segir Ásgeir Baldursson, eigandi og framkvæmdastjóri Ísbílsins. „Það eru bara Emmess og Kjörís sem njóta verndar af tolli sem leggst á vatn með bragðefni.“ Í frumvarpi til fjárlaga næsta árs er gert ráð fyrir afnámi tolla á föt og skó, en þar fylgir með ein breyting sem snýr að matvælum, niðurfelling tolls af nokkrum tegundum af mjólkurlausum ís. Í skýringum með frumvarpinu kemur fram að með því eigi að rétta hlut fólks með mjólkurofnæmi eða -óþol. Breytingar hafi verið gerðar á lögum í fyrra og athugasemdir borist vegna þess að þær náðu ekki til mjólkurlauss íss. Talin eru upp innihaldsefni sem breytingin nær yfir, svo sem sojabaunir, hrísgrjón, hafrar, hnetur og/eða möndlur. „Það er dálítið sérkennileg árátta hjá íslenskum löggjafa að telja upp öll atriði sem lögin geta átt við, fremur en að orða lögin með almennari hætti,“ segir Ásgeir og hefði talið eðlilegra að orða breytinguna þannig að hún næði yfir „allan ís sem ekki er framleiddur úr mjólkurvörum“. Útundan í upptalningu frumvarpsins er til dæmis ís sem framleiddur er úr kókos, sem og ís úr ávaxtaþykkni. Hann geri hins vegar ráð fyrir því að „vegan“ ís sem Ísbíllinn hafi flutt inn lækki umtalsvert í verði og hætti að vera dýrari en hefðbundinn ís, enda beri þessar vörur 30 prósenta toll, auk þess sem á þær leggist 110 króna verðtollur á hvert kíló/lítra. „En ég geri ráð fyrir að tollskýrslan verði talsvert flóknari ef sumt er undanþegið tolli,“ bætir hann við. Skrítnast finnist honum samt að ís sem að uppistöðu sé ávaxtamauk, önnur tegund af „vegan“ ís sem Ísbíllinn hafi boðið upp á, verði með fullum tollum áfram. Annars segist Ásgeir ekki hafa miklar áhyggjur af þessum tollamálum. „Það er erfitt að hafa skoðun á þessum tolla- og skattabreytingum sem eru orðnar eitthvað yfir tvö hundruð frá hruni. Maður vinnur bara með það umhverfi sem er og telji stjórnvöld nauðsynlegt að styðja svona við innlenda framleiðslu þá mega þessir herrar víst gera það.“Ólafur Stephensen, framkvæmdastjóri Félags atvinnurekenda.Vísir/VGTollheimta sem ekkert verndar Um leið og Félag atvinnurekenda fagna því að fjármálaráðherra hafi lagt til við Alþingi að felldir verði niður tollar af nokkrum tegundum af mjólkurlausum ís, harmar Ólafur Stephensen, framkvæmdastjóri samtakanna, að ekki skuli gengið enn lengra. Bæði sé listi innihaldsefna ekki tæmandi og áfram gert ráð fyrir að tollar leggist af fullum þunga á ís sem inniheldur enga mjólk eða mjólkurlíki af neinu tagi, heldur sé búinn til úr vatni, sykri, litarefnum og bragðefnum, svo sem frostpinnar og sorbet af ýmsu tagi. „Sú tollheimta verndar nákvæmlega ekki neitt og því er algerlega fráleitt að íslenskir neytendur séu að borga verndartolla af vatni, litarefnum og bragðefnum sem eiga ekkert skylt við íslenskan landbúnað,“ segir hann.Með breytingunni örli engu að síður á viðurkenningu stjórnvalda á því að ekki eigi að leggja verndartolla á matvöru sem ekki eigi sér samsvörun í innlendri búvöruframleiðslu og því beri að fagna. Frostpinnatollur sé þó klárlega verndartollur fyrir innlendan iðnað frekar en innlendan landbúnað.
Alþingi Fjárlagafrumvarp 2016 Mest lesið Sambýliskonan sem sá allt og bróðirinn sem þekkti ekki fjölskylduna Innlent Bandaríska sendiráðið elur á ótta við hælisleitendur og útlendinga Innlent Hagsmunir barnanna hafi ekki áhrif á afstöðuna til veiðigjalda Innlent Sakfelldur en ekki gerð refsing fyrir að bana móður sinni Innlent Skellt upp úr í þingsal þegar ráðherra reyndi að mynda hjarta Innlent Segir mögulegt að hundurinn sé á lífi Innlent Veiðigjaldið aftur í nefnd og viðræður komnar á lokametra Innlent Rúv vildi Ísraelsmenn burt en þeir sluppu með skrekkinn í bili Innlent Sósíalistum bolað úr Bolholti Innlent Samfylking tekur aftur fram úr Sjálfstæðisflokki Innlent Fleiri fréttir Sósíalistum bolað úr Bolholti Sýknaður af kæru Samtakanna 78 um hatursorðræðu Lokametrar, bútasaumur og Starbucks Veiðigjaldið aftur í nefnd og viðræður komnar á lokametra Lára snýr sér að kynningarstörfum fyrir HR Bætti þúsund tonnum í strandveiðipottinn Skellt upp úr í þingsal þegar ráðherra reyndi að mynda hjarta Rúv vildi Ísraelsmenn burt en þeir sluppu með skrekkinn í bili Lögðu hald á mikið magn fíkniefna og fleiri milljónir Eiríkur, Eyvindur og Þorbjörg sækjast eftir dómaraskikkjunni Samfylking tekur aftur fram úr Sjálfstæðisflokki Skoða málið en hafa ekki tekið endanlega ákvörðun um aðgerðir Stór ferðahelgi framundan og bæjarhátíðir víða um land Skjálfti að stærð 3,6 í Bárðarbungu Þingmenn upplitsdjarfir Öðrum þeirra handteknu sleppt úr haldi Þokast í samkomulagsátt á þingi Sakfelldur en ekki gerð refsing fyrir að bana móður sinni Tveir handteknir eftir húsleit í Laugardal og Kópavogi Bandaríska sendiráðið elur á ótta við hælisleitendur og útlendinga Vonast til að samkomulag náist innan skamms, vonandi í dag Sambýliskonan sem sá allt og bróðirinn sem þekkti ekki fjölskylduna Engar fréttir af þinglokum en veiðigjöldin ekki á dagskrá í dag Hagsmunir barnanna hafi ekki áhrif á afstöðuna til veiðigjalda Fjöldi ökumanna stöðvaður í umferðinni Þingflokksformenn semja inn í nóttina Krefjast bóta á umferðaröryggi í kjölfar alvarlegs slyss sjö ára drengs Vill palestínska fánann niður við ráðhúsið Segir mögulegt að hundurinn sé á lífi Minnihluti verði að sætta sig við að hann sé ekki við völd Sjá meira