Blikar eru ekkert bara að einbeita sér að boltanum þessa dagana heldur eru þeir líka að horfa til framtíðar.
Þeir tilkynntu í dag að framherjinn Ellert Hreinsson væri búinn að skrifa undir nýjan tveggja ára samning við félagið.
Ellert hefur ekki fundið sig í upphafi leiktíðar en Blikar hafa þrátt fyrir það tröllatrú á leikmanninum.
Ellert lék sinn lék sinn fyrsta meistaraflokksleik árið 2003 og hefur í allt spilað 134 leiki með meistaraflokki Breiðabliks og skorað í þeim 36 mörk. Ellert á að baki 73 leiki með Stjörnunni og 11 leiki með Víking Ólafsvík.
Ellert framlengir við Blika
